Asunción

Uut Wikipedia
Zur Navigation springen Zur Suche springen
Asunción
La Muy Noble y Leal Ciudad de Nuestra Señora Santa María de la Asunción
Asuncion Montage.jpg
Statistieke
Ienwoonertaal 680.250 (2009)
Fläche 117 km²
Befoulkengstichte 4.411 / km²
Agglomeration 2.164.316 op 1000 km²
Höchte 43 m
Politik
Lound Paraguay
Uur
Stiftenge 15. August 1537
Koordinoaten
Websiede [1]

Asunción is ju Haudstääd un mäd moor as 544.000 Ienwoonere (Stound 2010) tougliek ju grootste Stääd fon dän Stoat Paraguay in Suud-Amerikoa. Die Noome fon ju Stääd, spoansk foar "Heemelfoart", "Apstich", stoant foar Mariä Heemelfoart, hieren fullen Noome ludt La Muy Noble y Leal Ciudad de Nuestra Señora Santa Maria de la Asunción. Ju Baalengsruumte fon Asunción häd sowät 1,9 Millionen Ienwoonere. Ap Guaraní hat ju Stääd Paraguaŷ (nit tou ferwikseljen mäd Paraguái, dän Noome fon dät Lound ap Guaraní).

Geskichte[Beoarbaidje | Quelltext bearbeiten]

Ju Fäästenge Asunción wuude ap dän 15. August 1537 fon Juan de Salazar y Espinosa de los Monteros (uk de Espinoza) ap Befeel fon Pedro de Mendoza gruunded. Ap dän 16. September 1541 wäd dät as Stääd anärkoand.

Asunción is een fon do ooldste spoanske Stääde fon Suud-Amerikoa. Ju Steede, wier dät lait, wuude fermoudelk fon Juan de Ayolas foar't eerste Moal besoacht. Gruundengsnoome is La muy noble y leal ciudad de Nuestra Señora Santa María de la Asunción („Ju aiske eerwöidige un tjoue Stääd fon uus Hillige Frou Maria fon ju Heemelfoart, meend is Mariä Heemelfoart. Düssen Noome is bit däälich die amtelke Noome fon Asunción.

Asunción wäd as "Madre de Ciudades" ("Stäädemuur") beteekent. Düt kumt deerfon, dät in't 16. un 17. Jierhunnert fon Asunción uutgungend, masse Expeditsjoonen un Stäädgruundengen truchfierd wuuden. As Biespil skäl ju twäide Gruundenge fon Buenos Aires naamd wäide, dät däälich ju Haudstääd fon Argentinien is.

In 1731 roate dät unner dän Uruguayer José de Antequera y Castro dän eersten Apstound unner ju spoanske Kolonioal-Häärskup. Die wuude as "Recolución de los comuneros" beteekend. (Nit tou ferwikseljen mäd dän glieknoomigen spoansken Apstound fon do Comuneros).

Paraguay roakede sien stoatelke Uunouhongegaid fon ju spoanske Kroune ap dän 15. Moai 1811. Kuute Tied ätters, wilst ju Diktoatuur fon José Gaspar Rodríguez de Francia, wäd die uurspröängelke Kääden fon ju Stääd dän Äidboudem gliek moaked. Ju näie Bebauenge wuude in dät kolonioaltypiske Schachbräädmuster anlaid.

In dän Dezember 1864 begon die paraguayiske Diktoator Francisco Solano López aan Ärooberengs-Kriech juun Brasilien, uum Tougong tou ju See tou kriegen. Ap n 1. Moai 1865 slooten sik Brasilien, Argentinien un Uruguay juun Paraguay as sonaamde Tripel-Allianz touhoope. Wilst düssen Tripel-Allianz-Kriech, die noch bit 1870 duurde, wuude Asunción fon Brasilien besät. Ju Besättenge duurde bit 1876 tou. Die Honnelsferkier, die flöörich weesen hiede, sänt in 1858 die Río Paraguay foar ju Skipfoart fräiroat wuuden waas, wuude truch ju Uunraue fon dän Kriech läip touräächsloain.

In't Jier 1884 ferteekende Asunción 20.000 Ienwoonere, do mäd Leeder, Tebak, Sukker, Maniok, Äitnuuten, Rum un Mate ("Paraguaytee") honnelden.

Juun Eende fon't 19. Jierhunnert wuude Asunción fermoord fon europäiske Uutwonnerere (foaraalen uut Spanien, Italien un Düütsklound besiedeld. Tou Begin fon't 20. Jierhunnert roate dät een twäide Wooge fon Ienwonnerenge uut Faander-Asien, (besunners ju Turkäi, Syrien un dän Libanon).

In 1927 roate dät truch aan dweerelgen Stoarm 300 Doode. Bie ju Broundkatastrophe fon Asunción ap dän 1. August 2004 wuude dät groote Koophuus fon ju Ycua Bolaños-Gruppe fernäild, 396 Ljuude stoorwen un fieuwhunnerd wuuden ferseerd.