Wilmesauriske Sproake

Uut Wikipedia
Wikselje tou: Navigation, Säike (08)
Woapen fon Wilmesau

Juu Wilmesauriske Sproake (Wymysiöeryś) is ne wäästgermaniske Minnerhaidesproake, ju wäil deertruch äntsteen is, dät in't trättienste Jierhunnert uut Düütsklound, Hollound un Skotlound Ljuude ätter Wilmesau (Wymysoj) wai leeken sunt. Dät lait an't Sleesisk-Littikpolniske Skeed.

So is ju Sproake wäil oulat fon n middeldüütsken Dialekt fon't tweelifte Jierhunnert, die stäärke ängelske, fräiske, holloundske, platdüütske un polniske Ienfloude uutsät waas.

Ätter dän twäide Waareldkriech wuude ju Sproake fon do Kommunisten ferbeeden, eerste 1956 doarste me wier Wilmesaurisk baale - daach wuude ju Sproake bie doo maaste junge Ljuude truch dät Polniske ärsät. Däälich rakt dät bloot noch soogentich toun grootsten Deel oolde Baalere fon't Wilmesauriske.

Biespil-Wääseläid[Beoarbaidje | Quelltext bearbeiten]

N Wääseläid in Wilmesaurisk mäd seelter Uursättenge:

Śłöf duy buwła fest!
Skumma frmdy gest,
Skumma muma ana fettyn,
Z' brennia nysła ana epułn,
Śłöf duy Jasiu fest!
Släip, min Wänt, fääst!
Deer kuume froamde Gaste,
Deer kuume Möien un Oome,
Do brange Nuuten un Appele,
Släip, min litje Jan, fääst!

Ferbiendenge[Beoarbaidje | Quelltext bearbeiten]

Test-Wikipedia ap Wilmesaurisk

Literatuur[Beoarbaidje | Quelltext bearbeiten]