Theodor Siebs

Theodor Siebs (* 26. August 1862 in Bremen, † 28. Moai 1941 in Breslau) waas n düütsken Germanist.

Lieuwend

Siebs waas Professor an ju Universität Greifswald, leeter an ju Universität Breslau.

Hie waas – touhoope mäd uur Sproakwietenskuppere un mäd Fertreedere fon eenige düütske Tjooterbüünen hauptferoantwoudelk foar dän "Siebs", dät ätter him benaamde, 1898 toun eersten Moal ärskeenene un loange mäitereekende Wierk tou Räägelenge fon ju Uutsproake fon dät Düütske.

Deerfoar un deerieuwenske häd hie sik oawers boanbreekend mäd dät Fräiske beskäftiged, wierbie hie sik nit skoonde in aal do lieuwjende fräiske Dialekte Apteekengen bie do Ljuude sälwen tou moakjen. Fon sien juun fjautich publizierde Wierke beluuke sik ferskeedene uk ap dät Seelterske.

Ju Geschichte der friesischen Sprache änthaalt ne bolde fulständige historiske Grammatik fon dät Seelterske, wierfon hie in Zur Geschichte de englisch-friesischen al fuul Biespiele roat hiede. Bloot ap Seelterlound beluuke sik Das Saterland, Flurnamen un sien lääste Uutgoawe Zur friesischen Volkskunde des Saterlandes. Sien Ätterläit is in n Kriech in Breslau ferlädden geen, deerbie sien Loundnoomenkoarte fon gans Seelterlound.

Wierke do sik uk ap dät Seelterske beluuke

Do maaste Bouke sunt hier 'online' tou leesen! Oukuutengen twiske ( ).

1886: Die Assibilirung des K und G. Ein Beitrag zur Geschichte des Palatalismus der indogermanischen Sprachen. Tübingen.
1889: Zur Geschichte der englisch-friesischen Sprache (Habilitationsschrift). I. Halle a.S. (Ef)
1893: Das Saterland. Ein Beitrag zur deutschen Volkskunde. Zeitschr. d. Vereins f. Volkskunde III, S. 239-278, 373-410, Taf. 3. (Sa)
1896: Flurnamen. Breslau (= German. Abhandl. XII S. 165-*194). (Fn)
1901: Geschichte der friesischen Sprache. Paul's Grundriss d. germ. Phil. I. 2 Aufl., S. XIV-XV, 1152-1464 (Benutsje deerfon bloot ju photokopierde Version, t.B. "PDF" of "Read Online"). (Gr)
1902: Geschichte der friesischen Literatur. Paul's Grundriss d. germ. Phil. II. 2 Aufl.
1923: Vom aussterbenden Friesisch der Insel Wangeroog. Zeitschr. f. Deutsche Mundarten XVIII. Berl.
1931: Die Friesen und ihre Sprache. In: Die Friesen, herausgeg. v. Borchling u. Muuss. Leipz.
1934: Zur friesischen Volkskunde des Saterlandes. In: Volkskundliche Gaben, John Meier zum siebzigsten Geburtstage dargebracht. (Vk)

Literatuur

Miedema, H.T.J. Paedwizers fan de Fryske filology. Th. Siebs (1862-1941), F. Buitenrust Hettema (1862-1922) en de Fryske filology tusken 1880 en 1940. Ljouwert/Leeuwarden 1961.

Ferbiendengen ätter buuten

Theodor Siebs (Düütske Biographie)