Teppich fon Bayeux
Uut Wikipedia
Die Teppich fon Bayeux is mäd sien Laangte fon 70 meter un sien Hööchte fon 50 cm n Bielderoman mäd n Oaler fon bolde duusend Jiere. Deeroun wäd fertäld, wo do frantsööske Normandier Änglound iennoomen.
Tougliek is dät een fon do wichtichste Tjuugnissen fon dät Lieuwend in dät Middeloaler. So rakt et n Paat wier Loundoarbaiden wiesed wäide. Deer kon me gjucht düütelk sjo wo do Plouge un Aiden domoals touhoopestoald wieren.
Die ganse Teppich is gans fluch ferljoachted uutstoald in n apaaten Bau in Bayeux in Normandien (Frankriek). Man me kon die Teppich fon Bayeux uk bekiekje ap http://hastings1066.com/ mäd Ängelske Uursättenge fon do Latienske Uurschrifte.
[Beoarbaidje] Juu Geschichte, juu in dän Teppich fertält wäd
Die ganse Teppich wiest ne Bieldengeschichte mäd fuul Komentoare ap Latiensk. Dät sunt Deelwiese doo Noomen fon doo Ljuude, man tou n grooten Deel ook, wäkke Doat ap ju Bielde tou sjon is. In juu Haudseeke wäd fertält, wo Wülm die Eroberer Änglound erobert häd. Hier is gans kuut die Inhoold fon juu Geschichte: Köönich Edward fon Änglound häd n Wänt: Harold. Ätter ne Tied stärft Edward un Harold is die näie Köönich. Man Wülm, n Anfierer uut juu Normandie, wol ook jädden Köönich weese. Hie sailt ätter Änglound wai. Leeter rakt dät n Kamp. As Harold sturwen is, fluchtje doo Änglounder un Wülm is die Sieger.
[Beoarbaidje] Literatuur
- David M. Wilson: The Bayeux Tapestry ISBN-13: 978-0-500-25122-5
