Latiensk

Uut Wikipedia
Bielde fon ju roomske Goddin Nehalennia mäd latienske Ienskrift. Fuunen 1845 in ju Schelde in Seelound.

Latiensk (dt. Lateinisch) waas ju Sproake fon do Roomske. Fääre kanne wie ju as ju Sproake fon de Säärke un fröier fon de geleerde Waareld. Deeruum sunt Noomen fon Plonten un Medizine noch in n Soarte fon Latien (Köäkenlatien).

As do Roomske Europa ärooberden, broachten jo alleweegense hiere Sproake mee. So beraue däälich do Romaniske Sproaken aal ap dät Latienske. Man uk in dät Düütske, dät Fräiske un foarallen dät Ängelske sunt fuul latienske Woude apnuumen un nu oafte uunkoantelk annerd. Wäl skuul toanke dät uus gans gewöönelke Woude as Muure, Finster, Skoule un sogoar Määlne uut dät Latienske stamme? Sukke Woude naamt me Leenwoude.

Biespiele[Beoarbaidje | beoarbaidje Wältext]

Dät Latienske däd foarallen apfaalen truch dät Failjen fon dät persöönlike Foarwoud (iek, du usw.), wät bloot bruukt wäd, wan me dät gans stärk betoond.

sum - 'iek bän'
es - 'du bäst'
est - 'hie/ju/dät is'
bonum est - ‘dät is goud’
hic fenestra est - ‘dät is n Finster’ / ‘Hier is n/dät Finster’

Sjuch uk[Beoarbaidje | beoarbaidje Wältext]

Ferbiendengen ätter buuten[Beoarbaidje | beoarbaidje Wältext]