Kornisk

Uut Wikipedia

Koarte fon Cornwall mäd Noomen in Kornisk un Ängelsk

Wo dät Gestrich fon ju Sproake tourääch geen fon 1300 bit 1750

Dät Korniske (Kernewek) is ne keltiske Sproake, ju der bit sowät 1800 boald wuude in Cornwall (Kernow), die suudwäästelke Punkt fon Änglound. Die woarschienelk lääste Moanske die ju Sproake baalen diede, waas Dorothy Pentreath, ju 1778 stuurwen is. Uum 1900 äntwikkelde die Geleerde Henry Jenner dät “Eenhaids-Korniske”, dät sik basiert ap wäkke middeloalerlike Tjooterstukke un wierap Robert Morton Nance dan 1958 n Leerbouk Cornish for All schreeuw.

Nu däälich rakt dät sun 3500 Ljuude do der Kornisk baale konnen un wäkke jungere sunt sogoar deeroun apleeken. Kornisk wäd bruukt in Rundfunk, Saitengen un sogoar in wäkke Filme. 2002 häd ju Europäiske Union dät Korniske as eepentelke Minnerhaidssproake anärkoand.

Dät alles wäd wäil kritisierd, deeruum dät ju Sproake fielicht toun Haaldeel uuttoacht is. Fonsälwen moasten foar aal näie Seeken näie Woude fuunen wäide (Sproakuutbau), man uk genöigje do oolde Wällen nit, uum ju ganse Grammatik tou rekonstruierjen.

[Beoarbaidje] N Biespil fon ju Sproake

Ma’n gath yndan an car
‘Die Kat is unner dän Woain’.
Ap Walisisk schuul dät heete:
Mae’r gath o dan yr car
Dät is also neen gans grooten Underscheed.

[Beoarbaidje] Ferbiendengen ätter buuten

• Ju Korniske Wikipedia.
• Agan Tavas = "uus Sproake", ne Organisation tou ju Wierbelieuwenge fon dät Korniske.
• Wät ju Regierenge moaket.
• Kornisk-Kurs.