Bruunkoole-Winnenge

Uut Wikipedia
Wikselje tou: Navigation, Säike (08)

Tagebau Garzweiler Panorama 2005.jpg

N grooten Baager
Doo Bruunkoole-Gewinnere, in dissen Fal juu Firma Rheinbraun, moakje oafte neen Hoold derfoar, n Täärp outoubreeken. Düt Täärp protestiert juun juu Bruunkoolegewinnenge.
In n Bruunkoolekraftwierk wäd juu Koole ferbaadend, wiertruch CO2 entstoant, wät n Ienfloud ap juu Klimaferannerenge häd. Düt Kraftwierk is in juu Lausitz, wier me Sorbisk boalt. Dät is ook ne Gefoar foar disse Sproake, wan Täärpe, wier me juu boalt, oubreeken wäide.
N Fernäilden Tuun in n Täärp, wier me Bruunkoole gewinne wol.

Bruunkoole wäd oafte oubaud in eepene Gate, sodät me Täärpe un Loundskuppe oubaagerje mout, uum dät Tjuch tou kriegen. Ätter Rheinbraun häd die Oubau fon Bruunkoole juunuur uur Energie-Gewinnengen dän Foardeel, dät dät besunners billich weese schäl. Joo kweede ook, Bruunkoole hiede besuuners litje Emissione. Me bemöit sik ook, doo Loundskuppe wier mäd Natuur- un Kultuur tou fersjoon, man dät is ook kloor, dät disse kunstelke Natuur nit as dät Originoal weese kon. So kon me in sonaamde "rekultivierde" Loundskuppe oafte n grooten Fiskediek sjo, wier fon Natuur uut neen waas, wült doo Ljuude wieten nit, wät me uurs as Woater in dät groote Gat moakje schäl, wier me juu Bruunkoole uuthoald häd. Juu Bruunkoole wäd foarallen wonnen, uum juu in Kraftwierke tou ferbaadenjen. Bie dät ferbaadenjen entstoant CO2, wäd n Ienfloud ap juu Klimaferannerenge häd: Dät CO2 honget in juu Luft. Et reflektiert n bitje fon dät Sunnenlucht, wät fon buuten kumt, man juu Energie, juu fon binnen kumt un fon Natuur uut in dät All gunge kuud, wäd tou n fuul gratteren Deel tourääch ap juu Äide smieten, juu dertruch woormer wäd. Dissen Effekt entstoant nit bloot truch dät Ferbaadenjen fon Bruunkoole, man ook truch dät Ferbaadenjen fon Oulje (toun Biespiel in n Auto) un fon uur fossile Fjuurengen. Holt kon me oawers rauelk ferbaadenje, der wäd innerdoat ook CO2 produzierd, man in disse Mäite, in juu dät CO2 ook fon Natuur uut in juu Luft is.

So kon ne Loundskup ätter juu "Rekultivierenge" uutsjo. Smoals häd sunne Loundskup een groote Woaterdoabe, wült doo Ljuude nit wieten, wät me uurs as Woater in dät Gat dwo skäl, wier me juu Bruunkoole uuthoald häd.

Sjuch uk[Beoarbaidje | Quelltext bearbeiten]