Bläshanne
Uut Wikipedia
| Bläshanne | ||||||||
|---|---|---|---|---|---|---|---|---|
 Ne Bläshanne (Fulica atra) |
||||||||
| Systematik | ||||||||
|
Juu Bläshanne (Fulica atra, dt. Blässhuhn) is n Fuugel un heert, as juu Woaterhanne (Gallinula chloropus) uk, tou juu Familie Rallidae. Bläshannen rakt dät in groote Deele fon Europa, Asien un Afrikoa.
Inhooldsferteeknis |
[Beoarbaidje] Määrkmoale
Uutwoaksene Dierte sunt litjer as juu Wüülde Oante, swott, hääbe ne wiete Stierne un hääbe roode Oogene. Wan sun Diert an Lound is, sjucht me doo griesgräine Toonen mäd doo Swimlappen. Junge Blässhannen sunt fon juu Keeuwe bit tou dän Buuk ljoachter, un gans litje Suukene hääbe uk n rooden Kop.
 N Suuken |
 Disse Blässhanne is neen Suuken moor, man uk noch nit uutwoaksen. |
 Uutwoaksene Blässhanne |
[Beoarbaidje] Kost
Juu Bläshanne frät foarallen Plonten, man uk rotterge Stofe, Musselken un uur litje Dierte uut juu Mudde an dän Boudem fon juu Äi af dän Fiskediek, wier die Fuugel swimmen däd. In dät Foarjier un dän Häärst äisje doo Bläshannen uk Gäärs. Bie Winterdai fljooge doo Bläshannen nit aal ätter dät Suude wai. Doo, doo nit wäch fljooge, kon me fodderje, toun Biespil mäd Brood.
[Beoarbaidje] Broud
Dät Nääst fon juu Bläshanne is maasttieds in dät Woater, nai bie dät Ouger, wier dät Rait un juu uur Ougervegetation ounfoatet. Dät is oafte groot un uut swimmende Plontendeele baud. In dän April af in dän Moai foatje doo Bläshannen oun, hiere fieuw bit tjoon Oaiere tou lääsen, mongs uk al in dän Meerte. Wan joo feräärgerd un stöörd wäide, kon dät bit Juli un August anduurje. Doo Oaiere sunt 52x36 mm groot un sunt ljoacht mäd roodbruune un swotte Tuddelke. Doo bee Oolden broude 23-25 Deege. Doo Suukene woonje dan eenige Deege in dät Nääst, leeter wäide joo fon bee Oolden fiert un hääbe ätter oachte Wieke tou fljoogen leerd.
[Beoarbaidje] Wällen
- Michael Lohmann:BLV-Bestimmungsbuch Vögel ISBN 3-8289-1668-6
