Tik Tak Tul

Uut Wikipedia
Tik Tak Tul
die Spieler mäd 'o' häd wonnen
Decorativ Spil, mäd Siesstukke un Muuse

Tik Tak Tul is n eenfach Spil foar twäin Spielere. Dät Spil wäd mäd ne Bläistikke of mäd ne Pänne ap Papier spield. Dät gungt uk mäd Kriete ap de Sträite un sogoar ap n Computer. Bräädspiele rakt dät uk, man do sunt moor foar ju Sierde meend.

'Tik Tak Tul wärd spield ap 3 bie 3 Fäildere. An n Ounfang sunt aal Fäildere loos. Die eene Spieler sät n 'Kjuus' un die uur Spieler n 'Rund'. Wäl tjo fon sien oaine Teekene ap ne Riege häd (skeeuw, liekap of woage), häd wonnen.

Wäl dät Spil genöigend koant, kon eenfach älke Spil in Uunäntskat eendje tou läiten, wät die Uur uk moaket. Besunners foar Ounfangere is dät Fäild in de Midde dät Wichtichste Fäild.

Spil fon Tik Tak Tul, wonnen fon X
Spil fon Tik Tak Tul, wonnen fon X

Die Taal ferskeedene Bräädpositione is 764, dät loose Brääd nit meegereekend. Oawers Positione do der truch Traalen of Speegeljen dätsälge sunt, tälle foar een. Die Taal toulätte Sätte sänt dän eerste Sät un ätters twiske do Bräädpositione is 2096. So rakt dät träi ferskeedene muugelke Ounfangssätte: in de Midde, in n Houk un in de Midde fon n Raant.

Variante[Beoarbaidje | beoarbaidje Wältext]

Bie ju Variante 'OXO' is die Swäk, uum een Riege (skeeuw, liekap of woage) mäd n Nul, Kjuus un Nul tou hääben. Dät moaket nit, wäkke Symbol me bruukt, älken Spieler duur älkemoal n Kjuus of n Nul sätte.

Commons Commons: Tic Tac Toe – Sammelenge fon Bielden, Filme un Heerdoatäie