Suudtirol
Suudtirol (Düütsk en Ladinisk: Südtirol; Italienisk: Alto Adige, informel uk Sudtirolo) is n Region un autonome Provints in dät Noude fon Italien. Ju autonome Provints is Deel fon ju autonome Region Trentino-Suudtirol. In ju Provints woonje 532.616 Moanskene (2022) un ju Haudstääd fonne Provints hat Bozen (Ladinisk: Bulsan, Italienisk: Bolzano).
Historie
[Beoarbaidje | beoarbaidje Wältext]Ju Region wuude 1919 fon Italien annektiert, bit deerwai heerde ju Region bie Aastriek (domoals Aastriek-Ungarn). Ju italieniske Provints wuude 1926 gruunded, do in't Köönichriek Italien ferskeedene Ferwaltengsreforme truchfierd wuuden. Ätter ju Annektion fersoachten do Italiener ju Region tou 'italienisieren'. Do italieniske Behöörden wüülden do Düütsksproakigen uutwonderje läite un moor Italiener ätter Suudtirol hoalje. Ätter'n Twäiden Waareldkriech roate dät fuul Protäste juun ju Italienisierengspolitik. 1972 kreech ju Region Autonomie.