Street Fighter (Computerspil)

Uut Wikipedia

Street Fighter (‘Sträite-Fjuchter’, kuut SF) is ne beljoowede Beat-’em-up-Computerspilriege fon Capcom, ju uk ferfilmed wuurd. Do ferscheedenste Kampere uut alle Waarel kampje hier mäd individuelle Special Moves juunnunner.

Spilprinzip[Beoarbaidje | beoarbaidje Wältext]

Street Fighter suurgede foar min Apsjoon, as et ap Eende fon do 1980er Jier toun eersten Moal ärscheen. Street Fighter II deerjuun waas ee fon do beljooweste Spiele fon do äddere Njuugentiger. Dät jält as dät eerste Kampspil fon sien Ära, un dät fielicht tou Gjucht, deer dät Spil mäd sin Timing fon Angriepe un Blocks gjucht goud uutbalancierd waas, wät tou ju Tied näie Mäitsteeuwe sätte. Buppedät fierde et dät interessante (un oafte kopierde) Special-Move-System ien, dät et ärfoarene Spielere muugelk moaket, komplizierde Kampbewäägengen uuttoufieren, truch die Joystick of dät Stjuurkjuus as uk do Tasten in ne bestimde Riegenfoulge ientoudrukken. Disse komplizierde Kampbewäägengen kreegen Noomen se Dragon-Punch of Hurricane-Kick, do in do Baaleräien unner Spielere gewöönelke Begriepe wieren. Dät Spil ferföigede uur oachte spielboare Kampere (Ryu, Ken, Blanka, Zangief, Dhalsim, Guile, E.Honda und Chun-Li) plus fjauer Kwoode Juunuurstonnere (Balrog, Vega, Sagat und M.Bison). Ätter Street Fighter II ärscheen bolde liekuut ne Floud fon äänelke Spiele, deerfon leeter uk eenige fon Capcom sälwen. Aan fon do bekoandeste äddere Konkurrente fon SF II waas ju Fatal Fury Riege uut dät Huus SNK, dät noch fuul moor äänelke Serien mäd Näierengen produzierde.

Äntwikkelenge[Beoarbaidje | beoarbaidje Wältext]

Capcom broachte Street Fighter ap sien Huusoain Arcadeboard, dät Capcom Play System (CPS) hääruut, wät uk däälich noch foar Street Fighter III 3rd Strike, dän foareerst lääste ächte Ätterfoulger fon ju Serie benutsed wäd, wan uk basierd ap ju näiste Variante fon dät CPS, dät CPS III.

Ätter dät Ärschienen fon n ferbeeterden Street Fighter II mäd Noome Street Fighter II Championship Edition ärscheenen fuul modifizierde Versione (Bootlegs) fon dät Spil. In ne bolde al biespilloose Stappe noomen do maaste Spielhallen do Bootlegs ap. Do wieren wied fersprat, bit Capcom mäd n näi Spil ap do Bootlegs oantwoudede: Street Fighter II Turbo. 1993 un 1994 fereepentelkede Capcom ne naie Version fon dät Spil: Super Street Fighter II: The New Challengers. As die Unnertittel al antjut, wuuden näie Charaktere bietouföiged: Fei Long, Cammy, Dee Jay un Thunder Hawk.

Ju Spieleriege tjoonde as Gruundloage foar moorere Filme. Street Fighter – Ju äntscheedende Slacht (mäd Jean-Claude Van Damme un Kylie Minogue), Street Fighter II The Movie (Japan, Trickfilm) un Street Fighter Alpha (Japan, Trickfilm). Dät rakt uk ne Street Fighter-Zeichentrickserie (USA) un ju japaniske Anime-Serie Street Fighter II V, ju as bääste Uumsättenge jält.

Dät Spil basiert nit, as wäkke Stämme meene, ap dät al 1985 fon dän Konkurrent Konami hääruutbroachte Spil Yie Ar Kung-Fu, wan uk dät Runden-System, as uk do Juunuurstonnere un do hiere ferscheedene Geschikkelkhaide sik liekje muugen.

Ferbiendengen[Beoarbaidje | beoarbaidje Wältext]

Uursät ätter de:Street Fighter (Computerspiel)