Stinzeplonten

Wüülde Krokusse (Crocus vernus)

Stinzeplonten af Stinzebloumen naamt me in Fryslân ferwüülderde Bloumen, do in do Tuune un Parke fon oolde Steenhuuse, Buurgen, oolde Buuräien un oolde Pestooräien foarkuume. Ne Stins is in Fryslân n oold stäärk Steenhuus. Do Plonten blöie maast in ju Foarjierstied.

Dän Noome Stinzeplonten häd Dr. Jacob Botke in 1932 dät eerste Moal bruukt, fielicht truch dät bie ju Skierstins in Feanwâlden woaksende Haarlimmer Klokkespul, do fon do Ienwoonere Stinzeplonten naamd wuuden. Dät Foarkuumen fon do Plonten wuud eerste in Fryslân un ätter 1950 uk in dät Groningerlound un Utert naamd.

Do Plonten kuume uut dät Eende fon dät 18. Jierhunnert, as do in Änglound plonted wuuden uum do deer wüüld woakse tou läite. Uursproankelk kuume do Plonten maast uut Midden- un Suud-Europa.

Tou do Stinzeplonten heere so'n 30 ferskeedene Plonten, wierunner ju wüülde Poaskebloume, ferskeedene wüülde Krokussoarten, dät Sneeklokje, dät Moaiklokje un wüülde Tulpen.

As Bieplonten tou do Stinzeplonten wäide uk ferskeedene litje blöiende Struuke täld, toun Biespil ju wüülde Hiembäie (Rubus spectabilis) un ju wüülde Säntjansbäie (Ribes alpinum).

Ferbiendengen ätter buuten

• Bielde fon Stinzeplonten
• Lieste fon Stinzenplonten un Bieplonten (niederloundsk)

Bielde

• 
  Dät Sneeklokje (Galanthus nivalis)
• 
  Krokus (Crocus)
• 
  Poaskebloumen (Narcissus pseudonarcissus)
• 
  Moaiklokje (Convallaria majalis)
• 
  Wüülde Tulpen (Tulipa sylvestris)
• 
  Knul-Steenbreek (Saxifraga granulata)
• 
  Wüülde Säntjansbäien (Ribes alpinum)
• 
  Blöite un Frucht fon ju wüülde Hiembäie (Rubus spectabilis)