St.-Sebastian-un-St.-Vincenz-Säärke (Breinermoor)
Ju lutherske St.-Sebastian-un-St.-Vincenz-Säärke in Breinermoor, Meente Westoverledingen (Aastfräislound), wuude in't Jier 1784 as Soal-Säärke baud.
Historie[Beoarbaidje | beoarbaidje Wältext]
Ju Säärke, ju däälich deer stoant, wuude insteede fon een oolde Kapelle baud, ju ap dän Säärkhoaf 400 Meetere deerfon wäch stuude. Ätterdät ju Säärke kloor waas, wuude ju Kapelle ourieten. Wäästelk wuude aan smällen Klokken-Touden oun dät Skip ounbaud. Je tjo rundboogede Finstere oun do bee Loangs-Sieden läite Ljoacht in ju Säärke faale.
Bit 1925 hiede ju Säärke-Meente aan oainen Pestoor. Sänt düsse Tied deelt ju sik een Pestooren-Steede mäd Backemoor. Ap dän 1. Juni 2012 wuude ju Säärke-Meente mäd ju Vincenz-un-Laurentius-Säärkemeente in Backemoor tou ju näie evangeelsk-lutherske Vincenz-Säärke-Meente Backemoor-Breinermoor in Rhauderfehn fereend.[1]
Binneruum[Beoarbaidje | beoarbaidje Wältext]
Dät Binnere fon dät Goddeshuus wäd truch een holtene, as een Tunne beegede Dääke ousleeten. Ferskeedene Deele fon ju Iengjuchtenge kuume uut dät Foarlooper-Bauwierk. Die säkskaantige Preetstoul uur dät Oalter doatiert fon 1686. Uurspröängelk bildgede ju mäd dät Oalter een Eenhaid, bit in dät 19. Jierhunnert wät uurs moaked wuude. Ap dät Oalter is ju in Oulje ap Linnen Dät lääste Äiwendmoal fon Leonardo da Vinci ättermoald. Tou do Vasa sacra heert aan Kälk, dän Lubbe Jansen in 1664 stiftede. Die Krounljuchter gungt ap dät Jier 1751 tourääch. Ju Oargel wuude uum 1874 fon Gerd Sieben Janssen baud, mäd njuugen Registere un een Manuoal. In dän Loop fon do Jiere wuude deer moorere Moale wät oun uumebaud. Ju Buutenskille un dät Piepenwierk fon ju Oargel sunt ärheelden. Een doatierenge fon ju Oargel uum 1860 is apgruunde fon ju näigotiske Bauwiese uunweerskienelk.[2]
Wällen un moor[Beoarbaidje | beoarbaidje Wältext]
- Düssen Artikkel foutet grootstendeels ap een Uursättenge fon dän Artikkel fon ju düütsksproakige Wikipedia.
Wät dät Internät deertou häd[Beoarbaidje | beoarbaidje Wältext]
Commons: St.-Sebastian-und-St.-Vincenz-Kirche (Breinermoor) – Sammelenge fon Bielden, Filme un Heerdoatäie- Ortsverein Breinermoor: Kirche
- Genealogie-Forum: Breinermoor
- Michael Heinze: Kirche Breinermoor
Oankelde Ätterwiese[Beoarbaidje | beoarbaidje Wältext]
- ↑ Kirchliches Amtsblatt für die Evangelisch-lutherische Landeskirche Hannovers 4/2012, S. 184ff.
- ↑ Ev.-ref. Kirchengemeinde Aurich (Hrsg.): Orgelstadt Aurich. Selbstverlag, Aurich 2003, S. 32.
Hööchtenwäid failt, sjuch Foarloagenbeskrieuwenge (düütsk)