Sinfonie

Uut Wikipedia
Wikselje tou: Navigation, Säike (08)

Sinfonie af Symphonie (fon griechisk σύμφωνος = sýmphōnos, dät hat "touhoopeklingend", deelwiese mäd dän Uumewai uur italieensk Sinfonia oulat) is een sänt Begin fon dät 17. Jierhunnert in ju Musik bruukte Beteekenge foar Instrumentoalwierke mäd uur do Jierhunnerte wikseljende Foarm un Besättenge, iensluutend Tasteninstrumänte. So bruukt toun Biespil Bach dän Uutdruk Sinfonie foar dän Äreepenengssats fon sien twäide Partita un naamt sien tjostämmige Inventsjoonen "Sinfonien".

In't 18. Jierhunnert äntstuude ju klassiske Foarm fon ju Sinfonie, ju bit in dät 20. Jierhunnert een besunners wichtige Staalenge in dän Beriek fon ju Orchester-Musik beheelt. Hierbie honnelt sik dät uum een uut moorere (oafter fjauer, säildener träin af fieuw) Satse bestoundend Wierk foar Orchester sunner Solisten. Sänt ju 9. Sinfonie fon Ludwig van Beethoven wäide uk wäil Soangsstämmen (Solisten un / af Chor) bruukt, man sunner dominierjende Funktsjoon fon dät Orchester tou minnerjen.