Rio Tapajós

Uut Wikipedia
Zur Navigation springen Zur Suche springen
Koarte fon't Amazonas-System, die Tapajós is faawelk besunners markierd.

Die Rio Tapajós [ˌχiu ˌtapɐˈʒɔz] is een fon do grootste Sieden-Äien fon dän Amazonas. Hie fljut truch Brasilien. Hie äntstoant truch dät Touhoopefljooten fon Rio Juruena un Teles Pires un mundet fon gjuchts (also oun't suudelke Ouger) tiche bie Santarém in dän Amazonas.

Oun't Ouger fon dän Rio Tapajós lait ju ferlätte Siedelenge Fordlândia.

Ferloop fon ju Äi[Beoarbaidje | Quelltext bearbeiten]

Die Rio Tapajós häd sunner Wäl-Äien een Loangte fon sowät 810 Kilomeetere. Mäd sien gjuchte Wäl-Äi, dän Teles Pires kumt hie aaltouhoope ap 2.291 Kilometere. Ju Äi is uur ju heele Loangte wäch skipbeer, man buppe fon Itaitubas bloot foar litjere Skiepe, uumdät junner masse Stroomsnällen sunt. In dän Unnerloop foare uk Kjuusfoart-Skiepe uut Düütsklound uur dän Atlantik un dän Amazonas roun.

Die Rio Tapajós is känteekent truch sien blaauw-gräine Klöär. An ju Mundenge is ju Äi sowät tweelich Kilomeetere wied un deermäd wieder (man uk flakker) as die Amazonas. Hie häd oun sin Unnerloop ljoacht-wiete Ouger-Strounde mäd aiske fienen Sound. Düsse Strounde gunge gjucht flak in ju Äi. Uurs as die Amazonas häd die Tapajós wuddelk kloor Woater.

Bie Itaituba, wät minner as 400 Kilomeetere foar ju Mundenge in dän Amazonas, ferlopt ju Uurwoold-Sträite Transamazônica twäärs uur dän Rio Tapajós. Kjunner kumt ju Transamazônica dän Amazonas ap't naiste. Fon Santarem uut fiert parallel tou ju Santarem-Cuiaba-Loundsträite ätter ju Transamazônica wai. Düsse Loundsträite is foar do Ferhooldnisse fon junner besunners goud uutbaud.

In'n Bupperloop fon ju Äi rakt dät Stroomsnällen, wier grattere Skiepe nit truch kuume. Dät rakt Ploane, do Fälsen tou sprängjen, deermäd uk grattere Skiepe bit in do Wäl-Äien kuume konnen. Gruund deerfoar sunt do Räistoffe, do junner oubaud wäide konnen.

Uk is die Bau fon dät Woaterkrääfwierk São Luiz do Tapajós ploand, uum een seekere Energie-Fersuurgenge fon ju Region tou seekerjen. Läip is, dät dät in een Rebät ploand is, dät unner Natuurskuts stoant. Deeruum ferwäigerde ap dän 4. August 2016 ju Uumewaareld-Behöörde IBAMA ju Uumewaareld-Lizenz, sodät dät Projekt nit baud wäide duur.

Do grootste Sieden-Äien[Beoarbaidje | Quelltext bearbeiten]

Tou do grootste Äien, do deer ounfljoote, heere:

  • Río Cururu (gjuchts)
  • Río Leste (gjuchts)
  • Río das Tropas (gjuchts)
  • Río Crepori (gjuchts)
  • Rio Jamanxim (gjuchts)
  • Río Igarapé Açu (gjuchts)

Wällen-Ätterwiese[Beoarbaidje | Quelltext bearbeiten]

  • Düssen Artikkel foutet ap dän Artikkel fon ju düütsksproakige Wikipedia.