Poars

Uut Wikipedia
Poars
Poars (Myrica gale)
Poars (Myrica gale)
Systematik
Unnerklasse: Rosidae
Oardenge: Fagales
Familie: Myricaceae
Sleek: Myrica
Oard: Poars (Myrica gale)
Poars

Dät Poars af Postbuske (Myrica gale) is n Struuk die der in de Foan woakst un juust as ne Wüülge uutsjucht un dät Uuntjuuch ferdrieuwe konne schäl.

Määrkmoale[Beoarbaidje | beoarbaidje Wältext]

Dät Poars is n litjen Struuk, die normoal bloot bit tou 1,50 Meeter groot wäide kon. Dät häd roodbruune Takken un jeele bit bruunelke Blöiten. Dät is, as fuul Plonten, bloot in dän Suumer gräin, do Bleede sunt ap ju Bupperkaante dunkergräin un ärinnerje n bitje an Leeder.

Lieuwendsruum[Beoarbaidje | beoarbaidje Wältext]

Dät Poars lieuwet in do europäiske Gestriche mäd atlantisk Klima. Dät is foarallen Wääst- un Noudeuropa. Me kon dät besunners in klomme Woolde fon Fjuurenboome, Broukwoolde mäd Eed un n Foan, die tougliek Heedelound is, fiende.

Ferweendenge[Beoarbaidje | beoarbaidje Wältext]

Fröier häd me in moonige Gestriche dät Poars as Krüüderäi ferwoand, foarallen oawers insteede fon Hoppe in ju Bjoueräi. Mongs häd me uut Deele fon disse Plonte uk Looge moaked, wät oawers maasttied uut eekene Boark moaked wuude, af uum ju Kloodoasje etc. jeel tou klöärje.

Literatuur un Wällen[Beoarbaidje | beoarbaidje Wältext]

Ferbiendenge ätter buuten[Beoarbaidje | beoarbaidje Wältext]

Commons Commons: Poars – Sammelenge fon Bielden, Filme un Heerdoatäie