M. Seeling

Uut Wikipedia
Zur Navigation springen Zur Suche springen

M. Seeling (1792-1860) skreeuw dät oolde Seelterläid (Lesebouk foar Seelterlound, Nr. 9):

Wie sunt een Foulk gans sljucht un ächt
Ooldfräisisk edel fon Geslächt.
“Seelter läitet uus hier blieuwe
hier an de Äi in Seelterlound.
Hie kou wie am bäästen lieuwje
Hier is Gäärs un Foan un uk Sound.“

Uk fon aan Stam un nai ferwant
Fereenigt uus een fäästet Band.
“Seelter läitet uus hier blieuwe
hier an de Äi in Seelterlound.
Hie kou wie am bäästen lieuwje
Hier is Gäärs un Foan un uk Sound.“

Al laanger as twoduusend Jier
Sunt wie fräi fon Gefooren hier.
“Seelter läitet uus hier blieuwe
hier an de Äi in Seelterlound.
Hie kou wie am bäästen lieuwje
Hier is Gäärs un Foan un uk Sound.“

Do oolde Fräisen Moud un Kraft
Is in uus uk noch nit erschlaftt.
“Seelter läitet uus hier blieuwe
hier an de Äi in Seelterlound.
Hie kou wie am bäästen lieuwje
Hier is Gäärs un Foan un uk Sound.“