Kateeker

Europäisken Kateeker
N Kateeker (Sciurus vulgaris)
Systematik
Unnerfamilie: Sciurinae Tribus: Sciurini Sleek: Kateeker (Sciurus) Oard: Europäisken Kateeker (Sciurus vulgaris)

Die Kateeker af Europäiske Kateeker (Sciurus vulgaris, dt. Eichhörnchen) is n Oard fon do Gnauedierte. Hie lieuwet in Europa un in Noudasien.

Gefoare foar disse Oard

In Suudänglound un Italien is die Europäiske Kateeker bienaist uutstuurwen, wült do Moanskene dän Noudamerikoaniske Kateeker (Sciurus carolinensis) ienfierden. Juns Oard fertroang dän Europäiske Kateeker in düt Gebiet hoast gans. Ju noudamerikoaniske Oard uurdrächt Viren, do foar ju europäiske Oard döödelk sunt. Oarde, do do Moanskene ienfierden, heete Neozoon. N uur Gefoar is ju Pälsdiertejaacht, man do Moanskene jeegerje Kateekere bloot noch in Ruslound.

Määrkmoale

Die Europäiske Kateeker häd Strappe ap do Oore un häd n buskergen Stäit, dän dät Diert foar fuul Seeken bruukt: As Sunnenskuts, as Stjuur, foar sin Gliekgewicht etc. Sin Fäl is roodhierich af dunkerbruun.

• 

  N roodhierigen Kateeker bie Kiel

• 

  N dunkerbruunen Kateeker in Bayern

• Mediendatei abspielen

  Fideo: 'N Hauk foangt 'n Kateeker

• Mediendatei abspielen

  Fideo: 'N ietende Kateeker

Literatuur

Ronald M. Nowak: Walker's Mammals of the World Sixth Edition, ISBN 0-8018-5789-9

Ferbiendengen ätter buute

• Artikkel ap www.stern.de

Klik hier foar moor touheerige Mediendoatäie ap Wikimedia Commons.