Hopi
Do Hopi sunt n Indioanerfoulk in dät Noudaaste fon Arizona in do USA. Jo woonje siet oolden Tieden in steenene Huuse of eegentelk ganse touhoope baude Täärpe (Pueblos), wier me bloot mäd Laadern oun kuume kon. Do Navajo uum him tou hääbe do nit.
Noomen fon wäkke Pueblos sunt: Hano, Sichmovi, Walpi, Polacca, Mishongnovi, Sipaulavi, Shongopavi.
Ju Hopi-Sproake[Beoarbaidje | beoarbaidje Wältext]
Ju Hopi-Sproake heert tou ju uto-aztekiske Sproakfamilie. Ju is fuul studierd wuuden in Fergliek tou europäiske Sproaken. So koom dät tou ju Sapir-Whorf Hypothese:
- "Ju Sproake is dät eer sälwen, ju dän Toacht foarmt."
- "Dät Hopi (Arizona, USA) is mäd sowät 6.000 Spreekere een fon do vitoalste noudamerikoanske Indioanersproaken."
- "Ju Hopi-Sproake änthaalt neen Woude, grammatiske Foarme, Konstruktione ... "
- "N Hopi-Indioaner hät in sien Sproake n uuren Tiedbegrip as t.B. n ängelsksproakigen Amerikoaner of n Düütsksproakigen."
Hier eenige Biespiele fon Woude: Een Suukya' - Two Lööyö' - Tjo Pàayo' - Fjauer Naalöyö' - Fieuw Tsivot - Mon Taaqa - Wieuw Wùuti - Sunne Taawa - Moune Muuyaw - Woater Kuuyi
Do Hopi ferbjoode dät moakjen fon Bielden un Toonapnoamen in hiere Täärpe.
Religion[Beoarbaidje | beoarbaidje Wältext]
Do Hopi sunt djoop religiös. Jo leeuwe dät in dät Universum die Almachtige lieuwet. Hie is sunner Foarm un Gewicht, ju Sunne wäd betrachted as die Kraft fon dän Almachtige. Wan n Moanske stärft, lieuwet hie fääre in n uur Deel fon dät Universum un hie däd dan noch immer do Dingere, do hie altied al däin häd. Deerbie heert ne ganse Mythologie.
Wät do schafje[Beoarbaidje | beoarbaidje Wältext]
Do Hopi konnen uk flugge Dingere moakje. In dät FNP-Huus in Ljouwert honget ne Hopi-Foone, dät is n froai besäiden Woogeteppich.
