Heinrich Christian Wilhelm Busch

Uut Wikipedia
Wikselje tou: Navigation, Säike (08)
Wilhelm Busch, 1878

Heinrich Christian Wilhelm Busch (15. April 1832 in Wiedensahl bie Stadthagen - 9. Januoar 1908 in Mechtshausen, däälich n Stääddeel fon Seesen in dän Harz) waas n betjuudenden Humorist un Satiriker, un wäd reekend as Stamfoar fon do Bieldefertälstere (Comics).

Biographie[Beoarbaidje | Quelltext bearbeiten]

Busch waas die Ooldste fon ne Familie mäd soogen Bäidene. As hie 9 Jiere oold waas, koom hie 1841 unner ju Suurge fon sin Oom Georg Kleine, Pestoor fon Ebergötzen bie Göttingen). Eerst trjo Jiere leeter saach er sien Oolden wier. Busch sin Oom roat him Privoatunnergjucht. In n Häärst 1846 look Wilhelm Busch mäd ju Familie Kleine ätter Lüthorst bie Solling, wier hie 1847 fon Pestoor Kleine konfirmierd wuud.

In dätsälge Jier begon hie n Maskinenbau-Studium an ju Polytechniske Universität fon Hannover. 1851 unnerbriek hie sien Studium un studierde Bieldjende Kunst in Düsseldorf, Antwerpen un toulääst in München.

In dät Jier 1854 wuud Wilhelm Busch Meeglid fon dän Kunstfereen Jung München. Ätterdät sien Suster stoorf in n Juni 1858, konzentrierde hie sik intensiv ap anatomisk Teekenjen un Moaljen. Do Gjuchte ap Max un Moritz ferkoopede er in dät Jier 1865, as hie Student waas, foar 1700 GouldMaak an sin Ferlääser Kaspar Braun, die deermäd n Fermuugen fertjoonde. Eerste in n hoogen Oaler kreech Wilhelm Busch fon dän Ferlaach noch n Bedraach fon 20.000 Gouldmaak, die er fääreroate foar wäildeedige Swäkke.

1864 roate hie dät satiriske Stuk Der Heilige Antonius von Padua uut, dät ferbeeden wuude un eerste säks Jiere leeter ärskeen. 1872 look Busch ätter Wiedensahl, fon wier hie oafte ap Raisen in t Uutlound geen, bit Italien un do Niederlounde. 1872 skreeuw un teekende Busch do trjoo Bieldegeskichten Die fromme Helene, Bilder zur Jobsiade un Pater Filuzius. 1873 ärskeen Der Geburtstag un 1874 Dideldum. 1898 wikselde hie tou sien Bruursbäiden in Mechtshausen.

Ieuwenske sien Skrifte moalde Busch uk sun 1000 Ouljebielden, do der eerste ätter sin Dood in dät Jier 1908 fereepentelked wuuden.

Ferbiendengen[Beoarbaidje | Quelltext bearbeiten]

Commons Commons: Wilhelm Busch – Sammelenge fon Bielden, Filme un Heerdoatäie