Margaretha Grosser

Uut Wikipedia
(Fäärelaited fon Gretchen grosser)
Wikselje tou: Navigation, Säike (08)
G. Grosser mäd Die litje Prins
Gretchen Grosser mäd Gesina Lechte-Siemer (gjuchts).

Margaretha (Gretchen of Gräiitje) Grosser (* 20. September 1934 in Roomelse) is een pensioniert Büro-Anstoalde, Skrieuwerske un Uursätterske. Ju skrieuwt uur persöönelke Geskichten, Dööntjene un Märchen. Hiere Uursättengen weeren foar allen Bäidensbouke.

Lieuwend[Beoarbaidje | Quelltext bearbeiten]

Grosser wuude ap n 20. September 1934 in Roomelse bädden. 1941 geen ju in ju Gruundskoule, deerätter 8 Jiere Foulksskoule un 2 Jiere in ju Hondelskoule. Ätter hiere Leere as Stenotypisten oarbaidede ju 25 Jiere as Büro-Anstoalde.

Ätter hiere Pensionierenge fäng ju in't Jier 1989 tou skrieuwen. Ju wüül ju seelter Sproake nit bloot mundelk fäärereeke, man uk skriftelk fäästlääse. In disse Tied fäng ju oun mäd seelter Stukke in dän General Anzeiger. In do eerste Jiere as Skrieuwerske honnelje sik dan uum spoasige un iedenste Geböärnisse in dät Deegeslieuwend. Do wuuden maast uut n persöönelken Standpunkt skrieuwen. In disse eerste Jiere, fon 1992 bit 1994, wuude ju Riege Dööntjen un Fertälstere uut Seelterlound publitsiert.

In do njuugentiger Jiere fäng ju uk mäd dät Uursätten fon Bäidensbouke oun. Ju eerste Uursättenge waas Die littje Häwelmon in't Jier 1993. In 2009 un 2010 häd Gretchen do Bäidensbouke Die litje Prins un Tuusterpäiter ätter ap Seelterfräisk uursät. 2013 häd Gretchen Grosser dän Roman Die fljoogende Klassenruum fon Erich Kästner ätter dät Seelterfräiske uursät.

Grosser häd uk Sproakkoppele (mee-)organisiert uum Seeltersk tou leeren. Toun Biespil die Seelterfräiske Kring, Seelter Stamdisk un Kuurse bie Grosser tou Huus. Do Sproakkuurse wieren monkens foar Bäidenene, monkens uk foar Fulwoaksene.

Wierke[Beoarbaidje | Quelltext bearbeiten]

Margeriten uut min Tuun
Tuusterpäiter
  • Dööntjen un Fertälstere uut Seelterlound, Beend 1, Roomelse 1992, 56 Sieden
  • Dööntjen un Fertälstere uut Seelterlound, Beend 2, Roomelse 1993, 60 Sieden
  • Die littje Häwelmon, ätter Theodor Storm, Mäd Bielden fon Elena Panowa, Bäärsel 1993, 23 Sieden
  • Dööntjen un Fertälstere uut Seelterlound, Beend 3, Roomelse 1994, 58 Sieden
  • Sienke Koodiegel fertäld. Mäd Bielden fon Ulli Bohmann, 1994, 24 Sieden
  • Wie sjunge Seelterfräisk, Seelter Läidertexte, Mildaam 1998, 64 Sieden
  • Robin Hood, fon John F. Hooker, ap Seelterfräisk. Uursät fon Gretchen Grosser, Ingeborg Einhaus (Remmers) un Johanna Evers. Illustrierd (Comic). Ferlach Jens Quedens, Amrum, 1998. 16 S.A4.
  • Seelter Märchenbouk, 1999, 48 Sieden
  • Geschichten, Gedichte un Läidere fon Sunnerkloas tou Kööntje, Roomelse 2001, 50 Sieden, A4
  • Margeriten uut min Tuun, een Seelterfräisk Leesebouk, Bäärsel 2001, 108 Sieden
  • Seeltersk Leesebouk foar littje Bäidene, uursätte Geriemsele, mäd Bielden, Sälwenferlaach, Roomelse 2002, 32 Sieden
  • Mien Tuunschiere, Seelterfräisk Leesebouk, Roomelse 2005, 68 Sieden A4
  • Seelterfräisk Soang- un Beedebouk, 2009, 48 Sieden A5
  • Die litje Prins, Roomelse 2009, 95 Sieden [1]
  • Tuusterpäiter, 2010, 32 Sieden [2]
  • Do Dierte bie ju groote Buurensteede an 'n Diek (50 Sieden, 2012)
  • Fon dän Fisker un sien Wieuw, 2012, 20 Sieden
  • Die fljoogende Klassenruum, 2013, 144 Sieden
  • Seelterfräisk Soang- un Beedebouk, 2013, 52 Sieden
  • Die stöäwelde Bolse, 2015, 23 Sieden
  • Oo, wät fluch is Panama, 2016, 48 Sieden

Unnerskeedenge[Beoarbaidje | Quelltext bearbeiten]

  • Meerte 2012: "Die Goldene Blume" (Ju Goudene Bloume) fon dän Heimatbund Oldenburger Münsterland

Sjuch uk[Beoarbaidje | Quelltext bearbeiten]

Ferbiendenge ätter buuten[Beoarbaidje | Quelltext bearbeiten]

oldwikisource Wikisource: Margaretha Grosser's Geskichten – Wällensammelenge

Wällen, Anmäärkengen un Ätterwiesengen[Quelltext bearbeiten]