Geslächtswoud
Dät Geslächtswoud (die Artikkel) rakt dät grammatiske Geslächt un bestimt dät Haudwoud.
Dät rakt in ju seelter Sproake ferscheedene Artikkele, je ätter Bestimdhaid, Taal, Geslächt un Fal. Do sunt maast uut dät Ooldfräiske (afr.) outouleeden. Die 2. Fal is maast ärsät fon Konstruktione mäd fon usw.
Bestimde Geslächtswoude Eentaal
[Beoarbaidje | beoarbaidje Wältext]Monnelk of maskulin (m.)
[Beoarbaidje | beoarbaidje Wältext]| 1. Fal | di | afr. thi |
| 2. Fal | - | afr. thes |
| 3. Fal | dän, n | afr. thene |
| 4. Fal | dän, n | afr. thā |
| bekoand* | de, e | . |
.* Wan dät sik honnelt uum bekoande Seeken, t.B. Die Mon slacht dän Huund mäd de Knäppel. Hier häd sik also dät afr. thā truchsät un uurs in 3. un 4. Fal afr. thene!
Die 2. Fal is ferswuunen bit ap eenige Uutdrukke (oukuuted tou s in säiwens).
Wieuwelk of feminin (f.)
[Beoarbaidje | beoarbaidje Wältext]| 1. Fal | ju | afr. thiu |
| 2. Fal | - | afr. thēre |
| 3. Fal | ju | afr. thene |
| 4. Fal | ju | afr. thā |
| bekoand* | de, e | . |
. * t.B. ju Kuu is in de Weede. Also uk hier wäil dät afr. thā un uurs in aal Falle afr. thiu. Die 2. Fal säilden, as in Tied der Nood.
Seekelk of neutroal (n.)
[Beoarbaidje | beoarbaidje Wältext]| 1. Fal | dät, t | afr. thet |
| 2. Fal | - | afr. thes |
| 3. Fal | dät, t | afr. thet |
| 4. Fal | dät, t | afr. thā(m) |
| bekoand | t | . |
afr. thā(m) is hier bloot in Räste bewoard blieuwen, as t.B. in de Huus.
Bestimde Geslächtswoude Moortaal
[Beoarbaidje | beoarbaidje Wältext]| 1. Fal | do | afr. thā |
| 2. Fal | - | afr. thēra |
| 3. Fal | do | afr. thā |
| 4. Fal | do | afr. thā(m) |
| bekoand | de, e | . |
Hier äntstamt do luudgesätselk afr. thā.
Uunbestimde Geslächtswoude
[Beoarbaidje | beoarbaidje Wältext]| m. | n | afr. ān |
| f. | ne, n | afr. ēn, ēne |
| n. | n | afr. ēn |
Die 2. Fal is ferswuunen bit ap eenige Uutdrukke (t.B. eenes Deeges).