Fjauertaktmotor

Uut Wikipedia

So oarbaidet n Fjauertaktmotor (sjuch ju Bielde gjuchts).
Die Motor wäd eerste fon de Hounde of fon n Anläiter (Elektromotor) tougong broacht. Dan troalt sik ju Oakse ('Kurbelwelle') un ju Bewäägenge wäd fon ju Drieuwstange of Pleuelstange (ljoachtgräin) uurbroacht ap dän Kolwe, die der dan in dän Zylinder ap un deel schuft.
Buppe sjo wie links dät Uutläit-Ventil un gjuchts dät Ienlät-Ventil. Do bee Ventile wäide wikselwiese fon n Nubbeloakse ('Nockenwelle') eepen stat (deelstat). Twiske do Bee is ju Stikkäärse ('Zündkerze'), ju der ap ne bestimde Tied elektriske Hoochsponnenge kricht.

1. Takt Ansuuge - Luft un dampfoarmige Fjuurenge (blau) wäide binne leeken.
Dät gjuchter Ventil eepent sik, die Kolwe gungt deel un lukt dät friske Gas binne
2. Takt Fertichtje - Fjuurenge-Damp un Luft wäide touhoopeprässed un antunderd.
Do Ventile sunt ticht; die Kolwe gungt hooch un prässet dät Gas touhoope.
3. Takt Oarbaidstakt - Ju Fjuurenge ferbaadent un die Kolwe wäd ätter unnern taid.
Do Ventile sunt noch ticht. Wan die Kolwe gans hooch is, spoorket ju Käärse un stikt so dät Gas oun, wät dan explodiert un dän Kolwe deel drift.
4. Takt Uutsteet - Do Uutpufgase (bruun) wäide ätter buuten drieuwen.
Dät Uutläit-Ventil is eepen un die Kolwe gungt wier hooch un drift do ferbaadende Gase ätter buuten.

Fon do fjauer Sleeke fon dän Kolwe is also man aan produktiv. Deertruch schokket die Motor sik. Uum dän moor gliekmäitich loope tou läiten, ferwoant me fjauer Zylindere, do der wikselwiese dän Oarbaidstakt hääbe (4-Zylindermotor).



Dissen Artikkel is n Stump.
Hälp jädden deeran mee, dät tou ferbeeterjen.