Edda

Uut Wikipedia
Ju Edda

Ju Edda is een Sammelenge fon Gode- un Häldesoagen, apskrieuwen in dät 13. Jierhunnert ap Ooldiesloundsk. Uurspröängelk wude as "Edda" bloot ju Foatenge in Prosa (Snorra-Edda af Prosa-Edda), apskrieuwen fon Snorri Sturluson (1179 - 1241) beteekend, man dät rakt uk een Läideresammelenge, ju bloot min Prosa änthoaldt un wierfon Uutsniede deelwiese fon Woud tou Woud in ju Snorra-Edda sitierd wäide: Ju Läidere-Edda, ju ap Gruunde fon düsse ienhoolds-Uursniedengen sänt dät leete Middeloaler uk mäd dän Noome "Edda" benaamd wäd. Die Uursproang deerfon is nit kloor, me weet also nit, of dät dät Wierk fon aan bestimde Dichter is, of wildääge een Uurlääwerenge fon Läidere uut dät meene Foulk.

Dät sunt heedenske Bouke, wäkke do Gode- un Häldesoagen uurlääwerje. Do Bouke wäide däälich fon ferskeedene interessierde Ljuude leesen of studiert, t.B. fon Wietenskuppere un uk wäil fon Näiheedenljuude, foar do do Bouke een religiöse Betjuudenge häbe. Ju Edda wuude skrieuwen do Ieslound al kristelk waas, deeruume sunt do Ienhoolde fon do Edda's nit altied fräi fon kristelke Ienfloude.

Do Eddas tälle ju Geskichte uur ju Äntstoundenge fon ju Godewaareld. Deer sunt uk Geskichten skreeuwen uur do Godefamilien un do Ferhooldengen twiske do Gode un wät do unnerfiende, dät Eende fon do Gode un hiere Waareld wäd uk beskrieuwen. Uk rakt et in do Edda's Geskichten uur do Hälde.

Sjuch uk[Beoarbaidje | beoarbaidje Wältext]

Ferbiendenge ätter Buuten[Beoarbaidje | beoarbaidje Wältext]