Doatenboank

Uut Wikipedia
Seelter Doatenboank mäd dät Woud fjoose.

N Doatenboank of Doatenboanksystem (DBS) is n digitoal spiekerd Archiv, iengjucht foar flexibele Beräidenge un Gebruuk. Doatenboanke spielje ne wichtige Rulle foar ju Archivierenge fon Doaten bie toun Biespil ju Behöörde, Finanzinstitute, Unnerniemen un in de Wietenskup.

Biespil[Beoarbaidje | beoarbaidje Wältext]

Doatenboank fon ju seelter Sproake [1]. Deeroun is n Korpus mäd ju groote Meerhaid fon do seelter Texte apnuumen, mädnunner 175, as me links unner in ju Bielde sjucht. Deerbie wäd as Biespil ju Wierkenge foar dät Woud fjoose ‘frieren’ wiesd. Me kon dan mäd dän Doatenboank hääruutfiende, in wäkke Oard Satse un Betjuudengen dät Woud juust anwoand wuude. Tou dät Säiken änthaalt ju Doatenboank uk aal Tiedfoarme fon dät Woud (fjust, froos, fäärsen) un uk aal Skrieuwfoarme do do Skrieuwere deerfoar ferwoand hääbe. Wäkke deerfon sjucht me gjuchts in ju Bielde. Un dan kricht me uk t.B. ju Foarm färsen un dät rakt dan in dät Resultoat uk moal dät toufällich foarkuumende düütske Moortaal Färsen ‘Räire’, man dät fint die maaste Bruker eenfach hääruut.

Midde unner sjucht me, dät me ap ju Wiese 118 Foarkuumen fon dät Woud fjoose fint, wiertruch me gans fuul uur dät Woud leere kon. Truch klikken ap älke faawige Woudfoarm kon deertou uk ju ganse Uumtext sichtboar moaked wäide. Deermäd is sun Doatenboank n goud Hälpmiddel foar ju Häärstaalenge fon Woudebouke un foar sproakelke Unnersäikengen.