Diskussion:Gjuchtskriewenge

Moin, ik wol jädden deerap waiwiese, dät in ju Seelter Gjuchtskiewenge, uur as in dät Wäästfräiske, ätter ne Beslutenge fon dän Seelter Buund alle Substantive groot skrieuwen wäide. Dät is aanpassed aan ju düütske Gjuchtskriewenge un foar do düüütske Leesere un uk foar do Bäidene bäter tou begriepe. Gröitnis, --Bernd 23:09, 27. Aug 2011 (UTC)

Moin,

Jee, et häd 1952 gruunde roat uum groot tou skrieuwen. Man iek toanke nit dät sowät foar bäidene n probleem is, uurs kuuden do uk neen ängelsk of frantsoosk leere. Do Noudfräisen moakje dät uk nit moor. Dät jungfoulk in Düütsklound skient dät uk nit tou moakjen, wan do neen offizielle texte skrieuwe. Ju waareld sjucht nu uurs uut as fröier in 1952. Fielicht konnen wie noch wät ferbeeterje, so as wie dät uk moaked hääben mäd ju SK-skrieuwwiese? Gröitnis --Kening Aldgilles 23:29, 27. Aug 2011 (UTC)

Moin,

där häd Kening, gjucht, dät Jundfoulk moaked dät nit moor un juust dät is daach dät groote Problem wät wie hier in Düütkslound hääbe. Inne Gruundskoule leere do Bäidene noch ju Gjuchtskrieuwenge, mon därätter kiekt nüms moor deerap un do Bäidene skrieuwe hiere SMS un Emails so as se wolle. Wan se dan ätter do Skoultied ne Leersteede hääbe wolle, konne se noch nit moal gjucht düütsk skrieuwe. Ik hääbe dät do lääsden 40 Jiere bie miene Oarbeid mee moaked. Fröier wuud ätter ne Leersteede fräigend, wan se uk goud in düütsk un rekenen wieren. Siet so'n 10 af 15 Jiere is deer boolde neen moor, do noch failerfräi skrieuwe kon. Mon do Bedrieuwe kiekje deerap un dät Resultoat is, dät fon 10 fillicht noch 1 foar ju Steede in Froage kuumt. Dät is däälich nit blood wichtich foar Koopljuude, uk in do technische Berieke wät deer ättter kieked. In do grooten Bedrieuwe, so as bie Waskönig, wier min suun leed häd, mouten se n hoolich Dai Testoarbeiden skrieuwe, dan wäide blood do Bäästen fon do Bääste nuume. Dät hat, n Bräif is ju Visitenkoarte fon n Bedrieuw. Dät Problem koant uk ju IHK (Kamer van Koophandel), moan do konne deer uk niks an moakje. Dät is n Problem fon us Skoulsystem, deer konne do Bäidene särm niks foar. Elk Bundeslound häd sien oain System.

Wie hääbe hier uus groote Rechtschreibreform häiwed, dan noch wier ne Reform fon ju Reform etc. un alles is truchnonner. Ap ju Idee, dät international ountoupassje un alles littek tou skrieuwe, is nüms keemen.

Deerum meen iek, dät wie hier ap ju Wikipedia dät gjucht moakje moute un uus bie ju Gjuchtskriewenge an do gjuchte Normen hoolde.--Bernd 12:00, 28. Aug 2011 (UTC)