Düne (Ailound)

Uut Wikipedia
Zur Navigation springen Zur Suche springen
Düne

Düne is een Ailound dät ieuwenske Hälgelound in ju Noudsee. Hälgelound un Düne heere tou dän Kring Pinneberg, die grattendeels ap’t Fäästlound fon Släswiek-Holstein lait, juust noudelk fon Hambuurich.

Geografie[Beoarbaidje | Quelltext bearbeiten]

Dät Ailound Düne lait 62 km noudwäästelk fon ju Muundenge fon ju Elbe un minner as 1 km aastelk fon Hälgelound säärm. Düne wäd truch ju smälle Seesträite Reede fon’t Haudailound tränd, wäkke in Noudreede un Suudreede (fröier uk Noudhoawen un Suudhoawen naamd) apdeeld wäd. Dät Ailound is ungefeer 0,7 km² groot, fon dät Noudwääste bit Suudaaste maksimoal 1,25 km loange un fon’t Noudaaste ätter dät Suudwääste 850 km breed. Ju hoochste Steede lait ap 9,2 m buppe Seeniveau.

Skichte[Beoarbaidje | Quelltext bearbeiten]

Düne ap ju Koarte
fon 1910 bit däälich
1910
2010

In ju Winter fon 1720/21 wuude Düne definitief fon Hüne definitief fon Hälgelound tränd. Deerfoar roate dät een Loundferbiendenge twiske do Ailounde. In dät 17. Jierhunnert bestuude Düne grattendeels uut Musselkalk- un Krietfälsen, un disse Fälsen weeren hoast juust so hooch as do fon’t Hälgelound. Siet dät 18. Jierhunnert bit in dät 20. Jierhunnert kromp dät Ailound, bloot 0,1 km² loang Ailound bleeuw uurich.

In ju Tied fon‘t natsjonoalsotsjalistyske Düütske Riek begon dät Projäkt Hummerscheere. Truch dit Projäkt skuul dät Ailound Düne wier gratter wäide truch Sound aptouspäilen. Truch Kribben un Molen bleeuw dät Sound ätter’n Twäiden Waareldkriech uk noch deer, wiertruch Düne noch altied ju Foarm fon domoals bewoard häd. Ap Hälgelound säärm äntstuude truch dit Projäkt die Skutswaal (wäästelk fon Hälgelound), Suudhoawen un Noudaastdeel fon’t Ailound.

2011 wuude een Referendum heelden uur een Loundferbiendenge twiske Hälgelound un Düne. 54,74 fon do Moanskene, do woald hieden, weeren deerjuun.

Bauwierke[Beoarbaidje | Quelltext bearbeiten]

Ap Düne rakt et een Fluchplats, Hoawen, Campingplats, Bungalowsiedlengen, aan Fjuurtouden un een Stroundrestaurant.