Bosnien un Herzegowina

Bosna i Hercegovina Босна и Херцеговина

Woalspruch:
Nationoalhymne: Intermeco

Amtssproake	Bosnisk, Serbisk, Kroatisk
Haudstääd	Sarajevo
Stoatsfoarm	Republik
% Woater	0,8%
Ienwoonere	3.531.159
Munte	Konvertibilna Marka (BAM)
Tiedzone	UTC +2
Fierdai	25. November
Loundkode	BIH
Auto-Känteeken	-
Internet TLD	.ba
Telefonfoarwoal	+387

Bosnien un Herzegowina sunt touhoope een Lound ap dät Balkan-Hoolichailound (Suudaast-Europa). Ju Haudstääd is Sarajevo. Die Ministerpräsidänt is hoast Denis Zvizdić (Stound:2016).

Loage

Bosnien un Herzegowina wäide beskat fon:

Kroatien in dät Noude un Wääste,
ju Adriatiske See in dät Wääste,
Montenegro in dät Suude,
Serbien in dät Aaste.

Befoulkenge, Gloowe un Sproaken

Do Ienwoonere fon dän Stoat naamt me aaltouhoope Bosnier. Monken do Bosniere sunt do as grootste Befoulkengsdeele do muslimiske Bosniaken, do orthodoxe Serben un do katoolske Kroaten.

In dän grootste Deel fon dät Lound boalt me ijekaviske Dialekte, dät heert tou ju štokaviske Dialekt-Gruppe fon dät Serbokroatiske. Ap dät Ijekaviske gruundet sik ju kroatiske, bosniske un montenegriniske Skrift-Sproake. Uk ju Serbiske Skriftsproake gruundet sik ap štokaviske Dialekte.

Bosnisk, Serbisk un Kroatisk sunt as ferskeedene Skrift-Sproaken uk aal tjo Amtssproaken, uk wan jo sik so äänelk sunt un sik ap jusälge Dialekt-Gruppe gruundje. Besunners wichtich is dät, uumdät ju Serbiske Skriftsproake in Kyrilliske Skrift, ju Bosniske un ju Kroatiske oaber in Latienske Skrift skrieuwen wäide.

Fääre rakt dät in Bosnien un Herzegowina Roma, do baale Romani; buppedät Sephardiske Juden, do Sephardisk baale, wät nai bie dät Spoanske stoant. Man düsse bee Minnerhaide moakje touhoope minner as een Prosänt fon ju heele Befoulkenge uut.

Apdeelenge

Sänt dän Dayton-Ferdraach, die in 1995 dän Bosnienkriech be'eendigede, deelt sik die Stoat Bosnien un Herzegowina in twäin, uum niep tou weesen, träi Ferwaltengs-Rebätte: ju Föderation Bosnien un Herzegowina (Federacija Bosne i Hercegovine) un ju Serbiske Republik, buppedät ju Stääd Brčko, ju as besunneren Distrikt do bee touhoope, also faktisk direkt dän Säntroal-Stoat unnerstoant.

Hier is ju Apdeelenge ap een Koarte tou sjoon. Ju Föderation Bosnien un Herzegowina is in blau, ju Republika Srpska in rood un die Brčko-Distrikt in jeel deerstoald. Unnerskeedelke Faawtoone reeke ferskeedene Kantone wier: