so as sik dät ja uk wäil heerd, moate iek mie kuut foarstaale. Iek bän een ächte Seelterfräisin. 20.9.1934 bän iek in Roomelse appe Wareld keemen un bän deer uk dät ganse Lieuwend blieuwen. Oarbaided hääbe iek maasttieds in n'Kontor, man iek koom al ädder ap Rante. Do hiede iek moor Tied un bän ounfangt Seeltersk tou skrieuwen. Njuugen littje seelterske Bouke, do iek säärm skrieuwen hääbe, sunt bie mie tou kriegen. Apstuuns skrieuwe iek bloot noch foar uus Saitenge. Ju brangt älke Snäiwende een Geschichte of uk wäil moal een Dööntjen fon mie. Am ljoofsten skrieuwe iek ap, wät iek säärm of uur Ljude so belieuwt hääbe.
Iek baale alle Deege Seeltersk, wier dät bloot muugelk is, uumdät uus ljoowe littje Sproake nit so gau unnergunge schäl.
