Amdörp
Amdörp (so hat dät ap Plat; Bupperloundsk: Amdorf) is ne litjet Täärp in ju Meente Tjootern in ju Samtmeente Jümme. Amdörp lait in dän Loundkring Lier twiske do Äien Leda un Jümme, nit färre fon ju Steede wier ju Leda un ju Jümme touhoope fluute. Do Noabertäärpe fon Amdörp sunt Neuburg, Potshuusen, Backemoor, Nettelburg un Loga.
Amdörp wuud wierskienelk al foar 2000 Jiere besiedelt. Uum dät Jier 1300 waas der al ne Säärke. Ju Säärke, ju der däälich stoant, ist fon 1769.
Punte-Fääre
[Beoarbaidje | beoarbaidje Wältext]Noudelk fon Amdörp, tichte bie ju Steede wier ju Jümme in ju Leda lapt, foart der ju houndbedrieuwene histooriske Punte-Fääre uur ju Jümme un ferbindt Amdörp mäd Wiltshusen un Loga, Meente Lier. Ju Fääre wuud al 1562 uurkundelk ärwäänd.
Brääch uur ju Leda
[Beoarbaidje | beoarbaidje Wältext]
Suudelk Amdörp gungt ju smälste Brääch fon Düütsklound uur ju Leda un ferbint Amdörp un Neuburg mäd Lier un dät Uurledingerlound. Ju Brääch is man 2,50 Meeter breed un foar Foartjuuge mäd ne Bratte fon 1,85 Meeter. Ju häd ne Laangte fon 50 Meeter
Sjuch uk
[Beoarbaidje | beoarbaidje Wältext]- Lieste fon do Oargele in dän Loundkring Lier (düütsk)
- Lieste fon historiske Säärken in Aast-Fräislound (düütsk)
Ferbiendenge ätter buuten
[Beoarbaidje | beoarbaidje Wältext]
Commons: Ju Säärke fon Amdörp – Sammelenge fon Bielden, Filme un Heerdoatäie