11. Februoar

Die alfte Februoar is die 42. Dai in dän Gregorioansken Kalänner, somäd blieuwe deer noch 323 Deege (of in Skaltjiere 324) bit tou dät Eende fon't Jier tou.

Skjonisse

1115: In ju Slacht bie Welfesholt ferljust een Troppe fon Kaiser Hinnerk V. unner Hoyer I. fon Mansfäild juun een Buundnis fon saksiske Oadelsljuude unner dän leeteren Kaiser Lothar fon Supplinbuurich.

1531: Do ängelske Biskoppe ärkanne Hinnerk VIII. as Upperhaud fon ju Church of England oun. Die Poabst ferljuust deer in't heele Köänichriek Änglound ju Autorität mäd, een Stoats-Säärke äntstoant.
1573: Ju fon Köänich Koarl IX. ounoardende Beleegerenge fon La Rochelle begint. Ju kathoolske Siede wol in dän Fjooden Hogenotten-Kriech ju do Hugenotten uurlätte Stääd as Bolwierk fon dän frantsöösken Protestantismus deelsmiete un hoopet, dät dät n Domino-Effekt uurswain in't Lound rakt, wan jo deer Ärfoulch mäd hääbe.
1809: Die Amerikoaner Robert Fulton kricht n Patänt foar ne wirtskuppelk ärfoulchrieke Modifizierenge fon dät Dampskip.
1814: Een frantsööske Troppe unner Napoleon Bonaparte wint wilst do Befräiengs-Kriege juun een alliierde prüüsk-ruske Armee in ju Slacht bie Montmirail.

1855: Ätterdät hie do Füürstendume fon Äthiopien unner sien Heerskup fereend häd, wäd Füürsk Kassa Hailu as Kaiser fon Abessinien kround. As Negus nimt hie dän Noome Teeder II. (amharisk: ቴዎድሮስ = Téwodros, düütsk: Theodor) oun.
1866: Alexandru Ioan Cuza, die Begruunder un eerste Füürst fon dät Füürstendum Rumänien, wäd fon Suldoaten ousoaged, uumdät in sien Regierenge wäkke Reformen nit slumped sunt.
1873: Ju Eerste Spoanske Republik wäd uutruupen.
1889: In Japan wäd unner Tennō Meiji ju Meiji-Verfassung iensät, een moudäärne Ferfoatenge ätter europäiske Foarbielden. So wäd Japan fon een absolute tou een konstitutsjoonelle Monarchie.
1919: Friedrich Ebert (SPD) wäd as eersten Riekspräsidänt fon ju Weimarer Republik kädden.
1929: Mäd dät Ousluuten fon do Lateroan-Ferdraage wäd ju Vatikoanstääd uunouhongich fon dät faschistiske Italien.
1945: US-Präsident Franklin D. Roosevelt, die britiske Premierminister Winston Churchill un die sowjetiske Stoats-Boas Josef Stalin unnerteekenje ap dän läästen Dai fon ju Konferäns fon Jalta een Ferkloorenge, wieroun ju Näioardenge fon Europa ätter dän Twäiden Waareldkriech fäästlaid wäd. Uk, dät Düütsklound in fjauer Besättengs-Soonen apdeeld wäide skäl.
1977: Mengistu Haile Mariam wäd tjo Jiere ätter dän Putsk juun Haile Selassie amtelk Stoats-Upperhaud fon Äthiopien un Foarsitter fon dän Militär-Räid Derg.
1979: Islamiske Revolutsjoon: In dän Iran wäd die Premierminister Schapur Bachtiar ousät. Ju ap dän 5. Februoar truch Ruholla Chomeini iensätte Juun-Regierenge unner Mehdi Bāzargān uurnimt dät Boantje.
1990: Michail Gorbatschow rakt bie aan Besäik fon Helmut Kohl sien Toustämmenge tou ju Düütske Wierfereenenge.
1990: In Suudafrikoa wäd Nelson Mandela, Moanskengjuchts-Aktivist un Uppermon fon dän African National Congress, ap Bedrieuwen fon Regierengs-Boas Frederik Willem de Klerk ätter moor as 27 Jiere Fangenskup sunner Bedingengen uut dät Kitjen fräilät. Düt is die Begin fon dät Eende fon ju Apartheid in Suudafrikoa.
2011: Ätter Massen-Protäste in Ägypten (Ägyptiske Revolutsjoon 2011 ferkloort Husni Mubarak, die bienaist 30 Jiere ju Moacht hiede, dät hie outrät. Aan Militär-Räid uut hooge Offisiere uurnimt ju Ferwaltenge.
2013: Poabst Benedikt XVI. ferkändiget, dät hie tou dän 28. Februoar as Upperhaud fon ju Roomsk-kathoolske Säärke outreede wol.

Tou Waareld keemen

975: Elias fon Nisibis, Biskop fon ju aastsyriske Säärke fon't Aast in Nisibis un Skrieuwer.
1466: Elizabeth of York, ängelske Köäniginne
1535: Gregor XIV., Poabst
1546: Philipp Eduard Fugger, düütsken Honnelsmon
1685: Willibald Krieger, düütsken roomsk-kathoolsken Theologe, Philosoph un Physiker, Jesuit
1715: Margaret Cavendish Bentinck, britiske Botanikerske un Natuurkundlerske
1776: Ioannis Kapodistrias, eerst Stoats-Upperhaud fon Griechenlound ätter ju Uunouongegaid fon't Osmoanske Riek.
1780: Karoline von Günderrode, düütske Dichterske
1788: Anton Gottfried Claessen, düütsken roomsk-kathoolsken Gäistelken, Wäi-Biskop in Köln
1789: Hermannus Bouman, niederloundsken reformierden Theologe, Pestoor un Orientoalist
1797: Connop Thirlwall, britisken anglikoansken Biskop
1802: Lydia Maria Child, US-amerikoanske Skrieuwerske, Striederske foar dät Ferbood fon ju Skloueräi un foar do Gjuchte fon Wieuwljuude
1812: Alexander Hamilton Stephens, US-amerikoansken Politiker, Vize-Präsidänt fon do Konföderierde Stoaten fon Amerikoa.
1819: Ottilie Assing, düütske Skrieuwerske un Striederske foar dät Ferbood fon ju Skloueräi
1827: Tony Franck, düütske Pianistinne
1841: Malachia Ormanian, armeensken Äärts-Biskop un Patriarch fon Konstantinopel fon ju Armeenske Apostoolske Säärke
1847: Thomas Alva Edison, US-amerikoansken Ärfiender un Unnerniemer (Elektrizität un Elektrotechnik)
1869: Adelheid Popp, aastriekiske Sosjoalistinne un Striederske foar do Gjuchte fon Wieuwljuude
1869: Else Lasker-Schüler, düütsk-juudske Dichterske un Teeknerske
1874: Elsa Beskow, sweediske Bäidensbouk-Skrieuwerske, Moalerske un Ilustratoorinne
1887: Orikuchi Shinobu, japoansken Skrieuwer un Literatuurwietenskupper
1887: Theodor Schwegler, Swaitser roomsk-kathoolsken Oardensgäistelken, Theologe, Mathematiker un Natuurwietenskupper
1902: Arne Jacobsen, deensken Designer un Architekt
1903: Annelise Kretschmer, düütske Fotogroafinne
1907: Käthe Gold, Aastriekiske Skauspielerske
1912: Juan Carlos Aramburu, argentiensken roomsk-kathoolsken Äärts-Biskop fon Tucumán un leeter fon Buenos Aires
1915: Josh White, US-amerikoansken Musiker
1918: Anne-Stine Ingstad, norweegiske Archäologinne
1919: Eleonora Eksanischwili, georgiske Pianistinne, Komponistinne un Hoochskoul-Koasterske
1926: Paul Bocuse, frantsöösken Kok, Gastronom un Kokboukskrieuwer
1930: Mary Quant, britiske Moude-Designerske
1937: Heidi Lambert-Lang, düütske Juristinne
1958: Ulrike Bumke, düütske Juristinne
1964: Sarah Palin, US-amerikoanske Politikerske, Gouverneurinne fon Alaska
1979: Brandy Norwood, US-amerikoanske Sjungerske un Skauspielerske
1983: Rafael van der Vaart, niederloundsken Foutbaal-Spieler

Stuurwen

244: Gordian III., roomsken Kaiser
641: Herakleios, byzantiensken Kaiser
731: Gregor II. (Poabst)
821: Benedikt fon Aniane, Abt
824: Paschalis I. (Poabst)
867: Theodora II., Wieuwmoanske fon dän byzantiensken Kaiser Theophilos un leeter as Wiedewieuw Regentinne
966: Starchand, Fürst-Biskop fon Eichstätt
1056: Hermann II., Äärts-Biskop fon Köln
1310: Marguerita d’Oingt Nunne un Skrieuwerske in latienske un arpitoanske Sproake
1331: Nikolaus von Kesselhut, Biskop fon Verden
1392: Nikolaus I. fon Meißen, Biskop fon Lübeck un Meißen
1424: Johannes Abezier, Fürst-Biskop fon't Äärmlound
1484: Georg, Markgroaf fon Baden un Biskop fon Metz
1503: Elizabeth of York, ängelske Köäniginne
1524: Isabella fon Aragón, Heertoaginne fon Mailound, Heertoaginne fon Bari un Fürstinne fon Rossano
1547: Johann Horn, Biskop fon do Böhmiske Bruure
1562: Johann Stigel, düütsken Dichter un Rhetoriker
1643: Anna Maria von Pfalz-Neuburg, Paltsgroafinne fon Neuburg un Heertoaginne fon Saksen-Weimar
1649: Marie fon Prüüsen, Markgroafinne fon Brandenbuurich-Bayreuth
1650: René Descartes, frantsöösken Philosoph, Mathematiker un Natuurwietenskupper
1689: Marie Louise d’Orléans, spoanske Köäniginne
1709: Luise Hollandine fon ju Palts, Äbtissine fon't Klaaster Maubuisson, Moalerske un Koopersteeterske
1795: Carl Michael Bellman, sweedisken Dichter un Komponist
1825: Raiden Tameemon, japoansken Sumo-Ringer fon ju Edo-Tied
1862: Elizabeth Eleanor Siddal, britiske Moalerske un Dichterske
1868: Léon Foucault, frantsöösken Physiker un Optiker
1882: Maria Lenzen, düütske Skrieuwerske
1885: Edward McCabe, irisken Kardinoal un Äärts-Biskop fon Baile Átha Cliath / Dublin.
1918: Taytu Betul, äthiopiske Kaiserinne
1920: Gaby Deslys, frantsööske Donserske, Sjungerske un Skauspielerske
1929: Johann II., Fürst fon Liechtensteen
1941: Rudolf Hilferding, düütsk-aastriekisken Politiker un Wirtskupswietenskupper
1960: Victor Klemperer, düütsken Skrieuwer un Literatuur-Wietenskupper
1963: Sylvia Plath, US-amerikoanske Skrieuwerske
1978: Charlotte von Rumohr, düütske Moalerske un Äbtissinne
1982: Eleanor Powell, US-amerikoanske Donserske, Sjungerske un Skauspielerske
1988: Kamma Svensson, deenske Moalerske, Grafikerske un Illustratoorinne
1991: Galina Djuragin, ruske Skrieuwerske
1994: Joseph Cordeiro, indisken roomsk-kathoolsken Gäistelken, Biskop fon Äärts-Biskop fon Karatschi un Kardinoal
2000: Jacqueline Auriol, frantsööske Pilootinne
2005: Míla Myslíková, tschechiske Skauspielerske
2010: Irina Konstantinowna Archipowa, sowjetiske / ruske Opern-Sjungerske
2010: Mona Hofland, norwegiske Skauspielerske
2012: Whitney Houston, US-amerikoanske Sjungerske