Wikipedia:Wät is Wikipedia nit?

Uut Wikipedia

Wikipedia is n Projekt toun Apbau fon n Enzyklopädie un kon deeruum bestimde uur Dingere nit weese. Uum dät bie dät Skrieuwen fon Artikkele in Reekenge luuke tou konnen, sunt do falske Dingere hier apfierd.

  1. Wikipedia is neen Woudebouk. In Artikkele skällen Begriepe ärkläärd wäide un fielicht Froamdwoude, man neen gewöönelke seelter Woude. Deerfoar kon me n besunner Projekt Wiktionary iengjuchte.
  2. Wikipedia tjoont nit ju Theoriefiendenge, man ju Theoriedeerstaalenge. Also neen näie Theorien, neen näie Begriepe un neen uunbelaide Uutsproaken, man bloot bekoand Wieten.
  3. Wikipedia is neen Steede foar Propaganda, Wierwenge un Baaleräie. Artikkele skällen n näitroalen Standpunkt iennieme un kontroverse Seeken skällen kloor dokumentierd wäide
  4. Wikipedia is neen Steede foar persöönelk faawede Essays of Fan-Sieden. Artikkele skällen seekelk, objektiv un in enzyklopädisken Stiel skrieuwen weese. Wiergoawe fon Honnelengsferlööpe (Literatuur, Filme, Computerspiele) skällen stäärk touhoopefoatjend un seekelk weese.
  5. Wikipedia is neen algemeen Diskussionsforum un naan Chat-Ruum. Artikkeldiskussionssieden tjoonje ju Ferbeeterenge fon Artikkele, mit dät Fieren fon Debatte uur dän Inhoold fon dän Artikkel.
  6. Wikipedia is naan Webspace-Provider un naan Ärsats foar ne oaine Website. Benutsersieden fon Wikipedioaner skällen ju Oarbaid an ju Enzyklopädie tjoonje.
  7. Wikipedia is neen Doatenboank. Foar groote Massen strukturierde Doaten as Telefonbouke, Bibliographien, Linkferteeknisse, Adräsferteeknisse usw. is n Doatenboank mäd eenpeld truchtousäiken Fäildere un Doatentype düütelk ne beetere Woal.
  8. Wikipedia is neen Sammelenge fon Wällen. Allerhound Dokumente skällen bloot as Paat fon n Artikkel apnuumen wäide. Foar fräie Texte kon dät Wikisource reeke, foar Zitoatsammelengen Wikiquote.
  9. Wikipedia is neen Ättergjuchteportoal of Feranstaltengskalänner.
  10. Wikipedia is neen Gebruuksanwiesenge of Räidreeker. Foar Leerbouke rakt dät Wikibooks.