Noudirlound

Uut Wikipedia
Een Koarte fon do Britiske Ailounde, deer Noudirlound rood in ienteekend is.

Noudirlound (irisk Tuaisceart Éireann, ängelsk: Northern Ireland, Ulster Scots: Norlin Airlann) is een Lound un Deel fon dät Fereende Köönichriek. Dät bestoant uut säks fon do njuugen Provinsen, do tou ju histooriske iriske Provins Ulster heerden, moaket deer also aan grooten Deel fon uut. In't Ferhooldnis mäd ju Republik Irlound is Noudirlound tichter befoulked un is moor fon ju Industrie teekend.

In Noudirlound roate dät in ju Geskichte oafter Twiste twiske Befoulkengsgruppen, do unnerskeedelke Foulke, Politiske Ideologien un Konfessionen touheerden. Groaf fertäld wieren dät ap een Siede do katoolske Iren, do jädden tou dän oaine iriske Stoat heere wüülen un ap ju uur Siede do protestantiske Ienwonnerere uut Grootbritannien, foaraaln uut Skotlound, do bie dät Fereende Köönichriek blieuwe moaten.