London

Uut Wikipedia
Wikselje tou: Navigation, Säike (08)
London
London collage.jpg
Statistieke
Ienwoonertaal 7.556.900 (2007)[1]
Fläche 1.572,1 km²
Befoulkengstichte 4.807 km²
Agglomeration 8.278.251 (Agglomeration, 2001)[2]
13.945.000 (Metropolitan Area, 2001)
Höchte 24 m. buppe N.N.
Politik
Lound Fereeniged Köönichriek
Lound (in dät Fereeniged Köönichriek) Änglound
Region Greater London
Uur
Tiedzone UTC +0
Koordinoaten 51° 31' NB, 0° 7' WL
Websiede london.gov.uk

London is ju Haudstääd fon Änglound un Groot-Britannien. Deer woonje ungefeer 7,5 Million Moanskene in ju Stääd (2006), 8,3 Million in ju Agglomeration (2001) un 14 Million in dän Metropolitan Area (2001).

Geografie[Beoarbaidje | Quelltext bearbeiten]

London lait an ju Themse, in n Truchsleek lait ju Stääd 15 m. buppe dän Meerresspeegel. Ju Noudsee, ju 80 km ätter dät Aaste tou fienden is, häd uk Ienfloud ap ju Tiede fon ju Themse.

Geschichte[Beoarbaidje | Quelltext bearbeiten]

Londen is äntsteen as Roomske dät Gebiet besiedelden un deer an ju Noudsiede fon ju Themse Londinium stifteden in dät Jier 43 ätter Kristus. In disse Tied lieuwden deer uk Kelten, man et rakt naan Bewies dät foar do Roomske deer ne Siedelenge fon do Kelten weesen is. In 61 is ju roomske Stääd fon keltiske Kriegere fernäild wuuden. Ju Stääd is deer ätter wier apbaud wuuden un waas dan n wichtigen Honnelsstääd, wier in dät twäide Jierhunnert ju eerste Brääch fon dät moderne London ounlaid wuuden is. London waas domoals een fon do grootste Stääde fon dät Roomske Riek.

In dät 12. Jierhunnert wuude London ju Haudstääd fon Änglound un wuuks ju Stääd wier. Deerätter foulgeden Süükten un Ploogen so as die Swotte Dood in 1348 un ju Pest in 1665. N groot Deel fon ju Stääd geen ferlädden in dät Jier 1666 truch Bround, deertruch is däälich noch bloot een littik Deel fon ju oolde Stääd uur blieuwen. Twiske 1825 un 1925 waas London ju grootste Stääd ap de Waareld. An n Ounfang fon dän Twäide Waareldkriech is ju Stääd läip bombardierd wuuden, in 1944/45 foulgede ne twädde Oungriepswälle mäd V1- un V2-Raketen. Knap 30.000 Ljuude stuurwen, hunnertduusende wuuden Täkloos. Ätter ju Kriechstied wuude Greater London apgjucht, wierbie Täärpe un Stääde uum London bie London koomen.

Demografie[Beoarbaidje | Quelltext bearbeiten]

Historisk Ienwoonertaal
  • 50: 7.500
  • 500: 500
  • 1000: 10.000
  • 1300: 100.000
  • 1600: 200.000
  • 1750: 675.000
  • 1801: 1.096.784
  • 1851: 2.651.939
  • 1901: 6.506.889
  • 1939: 8.615.050
  • 1951: 8.196.807
  • 1981: 6.608.598
  • 2001: 7.172.091

Ferkier[Beoarbaidje | Quelltext bearbeiten]

Die grootste Lufthoawen fon London is London Heathrow, dät lait 24 km wäästelk fon London. Uur Lufthoawen sunt:

  • City, 15 km fon London City.
  • Gatwick, 45 km suudelk fan London.
  • Luton, 50 km noudwäästelk fon London.
  • Stansted, 55 km noardeastlik fon London.

Panorama[Beoarbaidje | Quelltext bearbeiten]

London 360 from St Paul's Cathedral - Sept 2007.jpg

Ferbiendenge ätter buuten[Beoarbaidje | Quelltext bearbeiten]

Commons Commons: London – Mediendoatäie

Wällen, Anmäärkengen un Ätterwiesengen[Beoarbaidje | Quelltext bearbeiten]