Liliʻuokalani

Uut Wikipedia
Wikselje tou: Navigation, Säike (08)
Liliuokalani

Liliuokalani (Honolulu (Hawaii), 2. September 1838 - deer, 11. November 1917) waas Köönigin un läästen Monarch fon dät Köönichriek Hawaii. Ju wuud uk wäil Lydia K. Dominis naamd.

Ap n 16. September 1862 hilkede ju John Owen Dominis, dän Gouverneur fon O'ahu un Maui. Liliuokalani hieren Bruur, Köönich Kalakaua stoorf dän 17. Januar 1891, wierap ju dän 29. Januar dän Thron besteech. Ju fersoachte ätter hiere Kröönenge n näi Gruundgesäts ientoufieren, deeruum dät ju ap dän Moment gultige Bayonet Constitution ju Gewalt fon dän Fürst gjucht ienskränkede un uk ju politiske Ienfloud fon ienheemske Hawaiianere. Die Sukkerhonnel twiske Hawaii un do Fereende Stoaten waas in Hounden fon ne Gruppe amerikoanske Geskäftsljuude, do der Hawaii sunner Stuts fon ju amerikoanske Regierenge fersoachten ientoudeelen bie do USA uum hieren Honnel tou beskutsjen. In dät Jier 1893 wuud ju Köönigin ousät un ne pro-amerikoanske Regierenge anstoald. Ju Obrigkaid fon do Fereende Stoaten ferkloorde ju Machtsuurnoame foar uungültich un bood Liliuokalani hieren Throon an, as ju aal do Feroantwoudelken foar dän Coup pardonierje wüül. Ju Köonigin liende dät Bod ou weegen ju Gewalt ju anwoand waas bie hiere Ousättenge; Präsident Grover Cleveland laide ju Seeke foar an dän Amerikoanske Kongres, die der fluks ju Republik Hawaii uutruup mäd Sanford Dole as eerste Stoatsuurhaud.

In n Januar 1895, eenige Deege ätter n misglukkeden Stoatsstriek fon Robert Wilcox, wuud Liliuokalani fäästnuumen ap Fertoacht fon illegoalen Besit fon Fjuurwoapene. Ätters 1896 wuud ju änlät un liude in dät Washington Place bit hieren Dood (truch n Sleek) in 1917. Unner hiere Tied in dät Washington Place (un uk eer) skreeuw ju Bouke un Läidere, wierbie He Mele Lahui Hawaii (Nationoalhymne fon Hawaii fon 1866-1876) un dät bekoande Aloha 'Oe.

Wällen[Beoarbaidje | Quelltext bearbeiten]

  • Lili‘uokalani, Hawai‘i's Story by Hawai‘i's Queen (ISBN 0804810664)
  • Helena G. Allen, The Betrayal of Lili‘uokalani: Last Queen of Hawai‘i 1838-1917 (ISBN 0935180893)

Sjuch uk[Beoarbaidje | Quelltext bearbeiten]

Commons Commons: Liliuokalani – Sammelenge fon Bielden, Filme un Heerdoatäie