Klavier

Uut Wikipedia

Dät Klavier is n Musikinstrument mäd ne Tastatuur un Säiden, doo truch Hoomere ansloain wäide.

N gans Instrument

Tastatuur

Säiden

Mechanik

[Beoarbaidje] Geschichte

Al Pythagoras hiede so'wät 500 f. Chr. n Monochord. Dät hiede bloot een Säide, juu plukked wuude as däälich doo Säiden fon ne Gitarre. Deermäd unnersäikede hie doo Intervalle. Leeter moakede me sukke Instrumente mäd moorere Säiden. So äntstuude, ieuwenske gjucht fuul uur Instrumente, uk dät Klavichord. Deerbie häd me ap ne Taste drukked un dan wuude mäd Hälpe fon ne Heeuwelte fon unnern mäd n plat blikken Ding ansloain. Dät Probleem bie sukke allere Klavichorde waas, dät een Säide, fon ferscheedene Tasten uut ansloain, wült joo ferscheeden loange klingende Deele hiede, moorere Toone moakje kuude, as dät Monochord uk. Un doo ferscheedene Toone fon een Säide kuude me nit tou de glieke Tied anslo. Eerste in dät 17. Jierhunnert roate dät Klavichorde, wier tou älke Taste aan Säidenchor heerde. Doo hieden düt Probleem dan nit moor. Man dät Klavichord waas fuuls tou liesken foar n grooten Konzertsoal. Dät Cembalo uut dät 15. Jierhunnert, wät däälich uk noch mongs tou heeren is, kuude sien Säiden mäd Fuggenkiele plukje. Bartolomeo Cristofori baude as eersten n Klavier, as et dät so äänelk uk däälich noch rakt, deermäd kuude me luud un liesken spielje. Hie naamde dät "Gravicembalo col piano (liesken) e forte (luud) ", uk däälich is n uur Noome foar dät Klavier "Pianoforte" af kuut "Piano".

[Beoarbaidje] Wällen

• Carl-Johan Forss: Piano- und Flügelreparatur Verlag Erwin Bochinsky ISBN 3-923639-43-0