Hoochchinesisk

Uut Wikipedia
Wikselje tou: Navigation, Säike (08)
1rightarrow.png Dissen Artikkel stoant in dät Wikipedia-Review.
Chinesisk Ferkiersskild

Hoochchinesisk (uk Mandarin naamd) is een Sproake, ju fon moor as 845 Millionen Moanskene as Määmesproake boald wäd. Dät Hoochchinesiske is ju offizielle Sproake in ju Foulksrepublik China, ju Republik China un in Singapur. In Indonesien un Malaysia woonje grattere chinesiske Minnerhäide do Hoochchineesk baale. Dät rakt neen Flektione in dät Chinesiske, man fjauer Toone. In dät Chinesiske kon me fuul luudmoaleriske Woude fiende, t.B. gǒu (dät hat Huund) un māo (dät hat Kat). Doo chinesiske Woude fon dissen Artikkel sunt in juu Pinyin-Uumskrift skrieuwen, man dät rakt ook ne oaine chinesiske Skrift mäd ne traditionelle un ne eenfache Version.

Määrkmoale[Beoarbaidje | Quelltext bearbeiten]

Toone[Beoarbaidje | Quelltext bearbeiten]

Do fjauer Toone

Die eerste Toon is hooch, die twäide is anstiegend, die trääde is djoop (toueerst oufaalend, dan wier anstiegend) un die fjoode Toon is gjucht kuut un oufaalend. Wan me n Woud mäd n uur Toon kwäd, betjut dät fielicht wät uurs. Hier is as Biespiel, dät Woud "ma":

  1. Toon: af māma hat Määme
  2. Toon: hat Hoamp
  3. Toon: hat Hoangst
  4. Toon: hat skeelde

Buute Toon: ma kwäd me an dän Eend fon ne Froage, ju uurs neen Fräigewoud häd (Wan du n Biespiel säikst, kiek in dän grammatiske Deel unner "Fräigesatse"!)

Gruundelääsende Grammatik[Beoarbaidje | Quelltext bearbeiten]

Eenfache Satse[Beoarbaidje | Quelltext bearbeiten]

Dät rakt neen Flektione in dät Chinesiske, dan n eenfachen chinesisken Sats is so apbaud: Subjekt + Prädikat + Objekt.

Toun Biespiel: Gǒu shòuliè miányáng. hat Die/N Huund joaget dät/n Skäip., man dät hat fon Woud tou Woud Huund joagje Skäip.

Fräigesatse[Beoarbaidje | Quelltext bearbeiten]

Hier sunt eenige Biespiele foar chinesiske Fräigesatse:

  • Zhè shì shénme? (fon Woud tou Woud Dät weese wät?) hat Wät is dät?
  • Zhè shì shénme dòngwù? (fon Woud tou Woud Dät weese wät Diert) hat Wät foar n Diert is dät?
  • Shénme síhòu? (fon Woud tou Woud Wät Tied?) hat Wanner?

Wan t uurs neen Fräigewoud in ne Fräige rakt, kwäd me ma bääte dän Fräigesats, uum tou wiesen, dät düssen Sats n Fräigesats is:

  • Nǐ gàosù. (fon Woud tou Woud Du kweede) hat Du kwäst.
  • Nǐ gàosù ma? hat Kwäst du?

Ferbiendengen ätter buuten[Beoarbaidje | Quelltext bearbeiten]