Hokusai

Uut Wikipedia
Wikselje tou: Navigation, Säike (08)
Londskup mäd twäin Falkeniere
Ansicht fon Fuji twiske do blöiende Boome, uum 1802

Katsushika Hokusai (葛飾北斎); Oktober of November 1760 - 10. Moai 1849) waas n Japanisken Holtsnitkunstler fon Ukiyo-e, ju traditionelle Japaniske Kunst fon dän Holtsnit. Hokusai häd binne aal Genren fon Ukiyo-e oarbaided, man ap berüümdeste wuud hie truch sien Londskupsoubieldengen. Tou sien bekoandste Wierke heere do Säksuntrütich Ansichte fon dän Bierich Fuji un do Hokusai Manga.

Do eerste säkstich Jiere[Beoarbaidje | Quelltext bearbeiten]

Hokusai wuud gebooren in Edo (däälich Tokio) in dät njuugende Mound fon dät tjaande Jier fon ju Horeki-Periode. Uur sien Oolden is niks bekoand. As hie tjo Jiere oold waas, wuud hie as Bäiden annuumen fon Nakajim Ise, die der Speegele moakede foar dät Hoaf fon dän Shogun. Ap sien achttienste, as hie al wät Ärfoarenge hied mät Holtsnitdruk, fäng hie oun tou oarbaidjen in ju Wierksteede fon dän Ukiyo-e-Kunstler Katsugawa Shunso, die der sik uutlaid hiede ap Bielden fon Tjooterspielere. Deeruum dät hie artistisk n uur Meemenge hiede as sin Leerder, moaste hie 1785 ju Wierksteede ferläite.

Hierätter koom ne Tied fon Äärmoud foar Hokusai. Man hie studierde daach fääre uum sik artistisk tou ferbeeterjen.

Hokusai moakede Bielden foar Bouke un Holtsnitte mäd as wichtichste Subjekte dät Deegslieuwend in Japan un do japaniske Traditione un Soagen.

Ansichte fon dän Bierich Fuji[Beoarbaidje | Quelltext bearbeiten]

Een fon do Ansichte fon dän Bierich Fuji

Sien bekoandste Wierke moakede hie ätter sien säkstichste Jier. Do Fugaku Sanjûrokkei, ofwäil do Säksuntrütich Ansichte fon dän Bierich Fuji moakede hie 1831, ätterdät hie truch sin Bäidenswänt in läipe finanzielle Probleme keemen waas. Hie ferwoande in disse Wierke insteede fon dät fon oalershäär bekoande plontenoardige Indigoblau oafte dät näiere Prüüskblau, n chemisken Faawestof die der in Japan eerste siet 1829 bekoand waas.

Ju groote Wooge[Beoarbaidje | Quelltext bearbeiten]

Sien bekoandste Oarbaid Ju groote Wooge bie Kanagawa, wier eenige litje Boote ap n See fon Hïuünenwoogen fersäike tou foaren. Foarallen ju grootste Wooge is imponierjend un häd wät häär n Monster mäd Klauen. Disse Wooge stoalt ju Kraft fon de Natuur deer un ieuenso ju Kraft fon do Roiere in do Boote. Uurigens waas et in ju Tied fon Kanagawa noch nit bewiesd, dät et sukke Woogen wuddelk rakt, oawers apstuuns is ju Wietensup deer wäil fon uurtjuugd. Sukke Woogen sunt uk woarnumen in dän Bucht fon Tokio, wier Hokusai dät Geböären ap ju Bielde woarskienelk situierde.

In ju Bäätergruunde stoant die Bierich Fuji, oawers Hokusai häd dän woarskienelk uk in ju foarnste Wooge oubielded, deeruum dät ju Wooge juust diesälge Uumfang häd as ju Fuji fon ne uur Siede. Ju groote Wooge häd ätters fuul Kunstlere inspirierd, oawers uk fuul Teeknere fon politiske (Spot)bielden. Foarloage:Clearleft

Äärwe[Beoarbaidje | Quelltext bearbeiten]

Hokusai stoorf dän 10 Moai 1849. Hie liet 30.000 Wierke ätter. Sien lääste Woude skuulen weesen hääbe:"Noch tjoon Jier, of bloot fieuw, un ik waas n grooten Kunstler wuuden".

Hokusai is ne Inspirationswälle weesen foar uuner uur dän japaniske Kunstler Ando Hiroshige, man as hierbuppe mälded uk foar fuul Kunstlere uur de ganse Waareld.

Ferbiendengen[Beoarbaidje | Quelltext bearbeiten]

Commons Commons: Katsushika Hokusai – Sammelenge fon Bielden, Filme un Heerdoatäie

Bemäärkenge[Beoarbaidje | Quelltext bearbeiten]

  1. Uut do 36 Oubieldengen fon dän Bierich Fuji fon Katsushika Hokusai. Faawe, Holtsnit Metropolitan Museum of Art, New York