Fläddermuuse

Uut Wikipedia

Fläddermuuse
Juu Oard Pipistrellus pipistrellus
Systematik
Klasse: Suugedierte (Mammalia) Unnerklasse: Eutheria Buppeoardenge: Laurasiatheria Oardenge: Flädderdierte (Chiroptera) Unneroardenge: Fläddermuuse (Microchiroptera)

Do Fläddermuuse (Microchiroptera, dt. Fledermäuse) sunt buute do nai früünde Pteropodidae do eensichste Suugedierte, do gjucht fljooge konnen. Aal uur "fljoogende" Suugedierte, toun Biespiel do Pteromyini (Düütsk:Gleithörchen) konnen bloot gliede. In Europa heemske Oarden freete Insekte, man dät rakt uurswain ne ganse Unnerfamilie, ju sik maastendeels fon Fruchte ärneert. Aal Oarden fon disse Unnerfamilie lieuwje in Middel- un Suudamerikoa. Do Fläddermuuse orientierje sik mäd Echolot.

[Beoarbaidje] Määrkmoale

Doo Fläddermuuse sunt foarallen an hiere Flöägele goud tou ärkannen, juu Juuke-häid gungt oafte bit tou dän Stäit, uurs as bie doo nai früünde Pteropodidae, doo bääte bloot n bitje Häid uum doo Beene hääbe. Die Bupperierm („Bupperjuuke“) is gjucht kuut, man die Unnerierm („Unnerjuuke“) is loange. Gjucht wichtich sunt oawers, as bie aal Flädderdierte, doo Hounde. Die Tuume stoant, juu Fläddermuus kon deermäd klatterje un sik fäästhoolde, wierbie joo sik in n Släip maasttied bloot mäd doo Fäite fäästhoolde un mäd dän Kop deel bummelje. Sunne Juuke kon foolded wäide un juu Fläddermuus kon sik deermäd bewikkelje.

[Beoarbaidje] Literatuur

• Ronald M. Nowak: Walker's Mammals of the World Sixth Edition, ISBN 0-8018-5789-9