Comité flamand de France
Dät Flämisk Kommittee fon Frankriek (amtelk ap Frantsöösk: Comité flamand de France) is n frantsöösk Fereen die sik, as ne wietenskuppelke Sälskup, uum ju Ärfoarenge, Ärhooldenge un Ferbreedenge fon ju flämiske Kultuur in ju Frantsöösk-Flandern kummert, besünners in dän Beräk fon ju Sproake, Literatuur, un Geskichte. Dät Kommittee wuud ap dän 10. April 1853 in Dunkerque truch Edmond de Coussemaker gruunded[1] un is däälich uk noch aktiv. Deerfoar is dät een fon do ooldste wietenskuppelke Sälskuppe fon Frankriek.
In Hazebrouck unnerhaalt dät Kommittee ne Fäkbibliotäike, wier aal sien oaine Publikatsjoone as uk uur Regionoalwierke sammeld un apbewoard wäide. Buutewais is dät feroantwoudelk foar ju Ferwaltenge fon do Sammelenge fon dät Museum Jeanne Devos in Wormhout.
Ferbiendenge ätter Buten[Beoarbaidje | beoarbaidje Wältext]
- Wäbsiede fon dät Kommittee
- Jierbouke fon 1853 bit tou 1944 ap Gallica
- Bigjuchte fon 1857 bit tou 2000 ap Gallica
Ätterwiese[Beoarbaidje | beoarbaidje Wältext]
- ↑ de Bertrand, Raymond (1859). Mémoires de la Société dunkerquoise pour l'encouragement des sciences, des lettres et des arts. Monographie de la rue David d'Angers à Dunkerque – Comité Flamand de France, S. 310–316.