Ökologiske Niske
Uut Wikipedia
Die Begriep "Ökologiske Niske" (de. Ökologische Nische) betjut niks uurs as die Ploats, juu Apgoawe, in n Ökosystem.
[Beoarbaidje] Äänelkhaide in dän Phänotyp
Uum sik an hiere Ökologiske Niske an tou paasjen, hääbe moonige Oarde, doo juusälge Ökologiske Niske hääbe, hieren Phänotyp un hiere Anatomie äänelk äntwikkeld, owwol joo genetisk nit so nai früünd sunt:
Die Wulf (Canis lupus) is naier mäd dät Bäist (Bos primigenius taurus) früünd, as mäd dän Tasmanisken Wulf (Thylacinus cynocephalus †?, woarschienelk uutsturwen 1936) owwol die Tasmaniske Wulf un die normoale Wulf n äänelken Phänotyp hääbe. Die Tasmaniske Wulf is ook mäd n Känguru (juu Familie Macropodidae) naier früünd as mäd dän normoalen Wulf. Man die Wulf häd juusälge Ökologiske Niske as die Tasmaniske Wulf, hie frät Flask.
 Wulf (Canis lupus lupus) |
 Bäist (Bos primigenius taurus), hier n Glanbäist, ne paltserske Regionoalrasse |
 N Känguru, also n Diert uut juu Familie Macropodidae, gnauer gekweeden juu Oard Wallabia bicolor |
 Die Tasmaniske Wulf (Thylacinus cynocephalus) |
Ook die Schäädel sjucht bie dän Tasmanisken Wulf un dän normoalen Wulf bienaist gliek uut. Ap juu foulgjende Bielde häd die Schäädel fon dän Wulf (bloot n Modell) ne gräine Markierenge, die Schäädel fon dän Tasmanisken Wulf (ächt) häd ne roode.:
