Wikipedia:Wät is Wikipedia?

Ju Wikipedia is n Projekt fon fräiwillige Autore toun Apbau fon ne Enzyklopädie un niks uurs. Do Artikkele skällen bloot interessant Wieten änthoolde uut belaide un däägede Wällen. Die Noome Wikipedia sät sik touhoope uut wikiwiki, dät hawaiiske Woud foar “gau”, un “encyclopedia”, dät ängelske Woud foar “Enzyklopädie”. N Wiki is ne Websiede, wierfon do Sieden licht un sunner techniske Foarkäntnisse fluks in dän Internetbrowser annerje kon.

Ju Wikipedia rakt dät in fuul Sproaken. Ju in 2005 as Test ounfangde un siet 12. Januoar 2008 definitive seelter Wikipedia is mäd 4.125 Artikkele noch man gans littik juunuur do groote, man änthaalt daach al eensichoardige Information. Mäd uur 1.300.000 is ju düütske Wikipedia apstuuns ju twäidgrootste ätter ju ängelske, ju der uur 3.800.00 Artikkele änthaalt. Ap Wikipedia:Sproaken fint sik ne Lieste fon aal Sproaken fon ju Wikipedia. Ju niederloundske häd uur 1.000.000 Artikkele. Litjet deerjuun sunt ju läichdüütske mäd uur 18.000, ju wäästfräiske mäd uur 23.000, ju noudfräiske mäd uur 1.700 un ju (holloundsk)- läichsaksiske mäd uur 4.600 Artikkele.

Uurs as häärkuumelke Enzyklopädien is ju Wikipdia fräi. Dät rakt hier nu kostenloos in dät Internet, uk älkuneen duur hier mäd Angoawe fon ju Wälle un do Autore kopierje un ferweende. Deerfoar suurget ju GNU-Lizenz foar fräie Dokumentation, unner ju do Autore hiere Texte fereepentlikje. Moor Informatione tou ju Wikipedia.

Information uur ju Statistik fon ju seelter Wikipedia fint sik hier.

Beoarbaided ätter [1].