Wikipedia:Uurheebergjuchte uas.

Mäd Suurge sjo iek, dät masse Bielden hoochleeden wäide un neen Lizenz stoant deerap, sodät naan weet, af doo Bielden wuddelk fräiroat sunt (dät rakt Public Domain, sukke Bielden konnen fon älkunaan sunner Angoawen uutsprat wäide, dät rakt ferskeedene Creative-Commons-Lizenzen, sukke Bielden konnen uk ätter täämelk loose Räägele, t.B. mäd Naamenge fon dän Uurheeber, fersprat wäide un dät rakt GNU, düsse Lizenz is al n bitje strommer, man uk noch nit heel un aal uunfräi.) Man dät rakt uk Copyright, un düsse Bielden duuren bloot fräi benutsed wäide, wan die Uurheeber doo säärm fräirakt! Uurs mout me in doo maaste Lounde, uk in Düütsklound, ätter dän Dood fon dän Uurheeber soogentich Jiere täiwe, dan stounde jo uk unner ju Public Domain-Lizenz.

Me mout uk deerap oachtje, dät doo oubieldede Ljuude ienfersteen sunt, wan juu Bielde eepentelk moaked wäd, uurs konnen jo aan uk bekloagje.