Weichsel-Kooldtied

Uut Wikipedia
Wikselje tou: Navigation, Säike (08)
Koarte fon Europa mäd ju Ferglitskerenge in ju Tied

As Weichsel-Kooldtied, Weichsel-Glazioal of Weichsel-Komplex, uumgongssproakelk uk Weichsel-Iestied, wäd ju lääste Kooldtied un ju deer mäd ferbuunene Ferglitskerenge foar Noud- un Middeleuropa beteekent. Ju Weichsel-Kooldtied begon foar sowät 115.000 Jiere un eendede foar 11.700 Jiere.

Apgruunde fon ju groote Ferglitskerenge waas die See-Speegel fuul läiger, groote Deele fon ju Noudsee liegen druuch un do Britiske Ailounde wieren oun't Fäästlound ounsleeten.

In ju Alpenruumte waas dät uum jusälge Tied uk wied un Sied ferglitskert, junner boalt me fon ju Würm-Kooldtied.