Triploidie

Uut Wikipedia
(Fäärelaited fon Triploid)
Zur Navigation springen Zur Suche springen

Triploidie is ju Oainskup fon n Lieuweweesen, dät aan tjoofoolden Chromosomensats häd, dät hat, träi fulstandige Chromosomensatse.

Biespiele foar triploide Lieuweweesen[Beoarbaidje | Quelltext bearbeiten]

  • Ju Appelsoarte Boskoop is triploid. Ju Blöimte fon düsse Soarte is uut düssen Gruund uunbruukboar.
  • Moonige Fiske wäide fon Moansken triploid tuchted, deermäd jo uunfruchtboar sunt. Wan aan jädden Fiske hääbe mai (Foarallen as Nutsdierte) un häd oaber nit so fuul Ploats, dan kon dät n Foardeel weese, wan do sik nit fermoorje.
  • Bie Moansken kumt uk mongs Triploidie foar, dät fiert dan tou läipe Behinderengen un normoal stierwe do triploide Bäidene al foar hiere Gebuurt, of kuut deerätter.
  • Ju Poagenoard Pelophylax "esculentus" (düütsk:Teichfrosch) is uut ne Fermiskenge fon do bee uur Poagenoarde Pelophylax ridibundus (düütsk:Seefrosch) un Pelophylax lessonae (düütsk:Kleiner Wasserfrosch) äntsteen. Deeruum dät jo oafter triploid sunt, dät hat, fon een fon do bee Uursproangsoarde twäin Chromosomensatse (also dät fulständige Genom), un fon ju uur aan hääbe, konnen triploide Poagen hiere Gene aaltiede fäärereeke, sodät ju Misk-Oard "Pelophylax "esculentus" trots oafter geböärende Fäärefermiskengen mäd hiere Uursproangsoarde daach hiere Gene fon bee Oarde fäärereeke kon, deeruum dät do Uursproangsoarde bloot diploid sunt.

Sjuch uk[Beoarbaidje | Quelltext bearbeiten]


...

  • Polyploidie Gans algemeen mäd moorere Chromosomensatse