Steinhuder Meer

Dät Steinhuder Meer lait in dät Noude fon Düütsklound in dät Buundeslound Läichsaksen. Mäd ne Fläche fon bolde 30 Quadratkilomettere is dät dät grootste Meer in Noud-Düütsklound. Dät Meer lait wäästelk fon ju Stääd Hannover un heert toun groot Deel tou ju Region Hannover un dän Loundkrais Nienburg. Dät Meer is bekoand deerfoar, dät hie gans flach is, dät Woater is an de joopste Steede bloot sun tjo Meeter djoop. In de Midde fon't Meer lait dät kunstelke Ailound Wilhelmstein, ju in dät 18. Jierhunnert as Fäästenge baud wuude. Do bekoandste Täärpe un Stääde direkt an dät Meer sunt Steinhude un Mardorf.