Mexiko-Stääd
| Mexiko-Stääd | ||
| ||
| Ferskeedene Bielden fon Mexiko-Stääd | ||
| Statistieke | ||
| Ienwoonertaal | 9.209.944 (2020) | |
| Fläche | 1495 km² | |
| Befoulkengstichte | 5.966 / km² | |
| Höchte | 2240-3990 m | |
| Politik | ||
| Lound | Mexiko | |
| Uur | ||
| Stiftenge | 14. Jierhunnert - 1521: Tenōchtitlan, ätters "Mexiko-Stääd" | |
| Tiedzone | CST, (UTC-6) | |
| *Suumertied | CDT (UTC-5) | |
| Koordinoaten | ||
| Websiede | kjunner! | |
Mexiko-Stääd (Nahuatl: Altepetl Mexihco, Spoansk: Ciudad de México) is ju Haudstääd fon Mexiko. Ju Stääd heert tou naan Lid-Stoat, man dät is ne oaine Rebäts-Köärperskup foar sik, wier moor as 8,9 Millionen Ljuude lieuwje. In dän wiederen Späk-Gäddel uum ju Stääd tou sunt dät moor as 21 Millionen Ljuude. Ju Stääd is die politiske, wirtskuppelke, kulturelle un infrastruktuurelle Middelpunkt fon Mexiko. Buppedät is dät die Sit fon't Äärtsbisdum Mexiko, man dät belukt sik nit ap dän Stoat Mexiko, wierfon dät bloot n litjen Deel uutmoaket.
Mexiko-Stääd stoant in ju Traditsjoon fon ju oolde Azteken-Haudstääd Tenōchtitlan. Do Azteken hääbe sik in dän eersten Haaldeel fon't 14. Jierhunnert junner ap een Ailound in dän Tetzcohco-See deellät un hääbe junner een groote Stääd apbaud. Dät is muugelk, dät ju Steede al toufoarne besiedeld waas, man eerste unner do Azteken wuude deer ne groote Stääd uut. In 1521 hääbe läiweloa do Spoaniere unner Hernán Cortés touhoope mäd indioanske Ferbuundede ju Stääd fernäild un hääbe ap do Ruinen fon dät oolde Tenōchtitlan een näie Stääd apbaud, un dät is Mexiko-Stääd. In dän Ferloop fon ju Kolonioal-Tied is die grootste Deel fon dän Tetzcohco-See druuchlaid wuuden, sodät fon ju uurspröängelke Ailound-Loage niks moor tou sjoon is. Wier fröier die See waas, is nu Grootstääd. Bloot in dän Stääddeel Xōchimīlco sunt noch Räste fon ju Woater-Flakte uurich blieuwen.