Marcus Antonius

Uut Wikipedia
Wikselje tou: Navigation, Säike (08)
Oubieldenge fon Marcus Antonius

Marcus Antonius (däälich uk mongs Mark Anton naamd, kuut Antonius; * 14. Januoar 86, 83 of 82 f. Kr.; † 1. August 30 f. Kr.) waas n Politiker un Fäildheer in't Roomske Riek, uum niep tou weesen, in do lääste Jiere fon ju Roomske Republik.

Wäidegong[Beoarbaidje | Quelltext bearbeiten]

Eerste oarbaidede hie sik as Ounhonger fon Gaius Iulius Caesar uumehooch. As Caesar in 44 f. Kr. uumebroacht wuuden waas, wuude Antonius aan fon do ienfloudriekste Ljuude in Room un sloot mäd Octavianus (die leeter as Kaiser Augustus bekoand wuude) un Marcus Aemilius Lepidus aan Buund, dät sonaamde Twäide Triumviroat. In 42 f. Kr. fernäilde hie ju Paatäi fon do Caesar-Möärendere un uurnoom ju Ferwaltenge fon dät Aaste fon't Roomske Riek.

Uumdät hie mäd Kleopatra VII. n Ferhooldnis hiede (wildääge wieren jo sogoar ferhilked), wät in Room nit goud ounkoom, uumdät jo toachten, hie kuude ägyptiske Interessen buppe do roomske sätte, kreech hie Stried mäd sin foarmoaligen Moat Octavianus.

Tiedwiese moakeden Octavianus un Antonius Skieregaid, man dät heelt nit loange. In 32 f. Kr. begon die sonaamde Ptolemäiske Kriech. In 31 f. Kr. koom dät tou ju Slacht bie Actium. Dät waas ne Seeslacht foar ju griechiske Kuste, ju oafter as ju wichtichste Slacht fon dän Kriech bekieked wäd. Deerbie wuuden groote Deele fon Antonius sien Flotte fernäild, wan uk Antonius un Kleopatra ätter Ägypten fluchtje kuuden. Bienaist een Jier leeter wuude Alexandria iennuumen, wierap sik Antonius un kuut deer ätter uk Kleopatra sälwen uumebroachten.