Liesbetfeen
Liesbetfeen, düütsk Elisabethfehn, is n Täärp in ju Meente Bäärsel. Dät lait in dät Suude fon ju Meente un bildet deer dät noudaastelke Skeed fon Strukelje un Roomelse. Truch gans Liesbetfeen lapt die Liesbetfeenkanoal. Die Aastfoan lait deelwiese ap dät Gebiet fon Liesbetfeen.
In Liesbetfeen is dät Foan- un Feenmuseum Liesbetfeen.
Loage
[Beoarbaidje | beoarbaidje Wältext]Liesbetfeen lait suudelk Bäärselerfoan, aastelk Roagebierich, noudelk Aasterhusen, Bieuwelte, Baalenje un die Roomelster Aastfoan. Aastelk Liesbetfeen lait Reekenfäild.
Noome
[Beoarbaidje | beoarbaidje Wältext]Liesbetfeehn wuud ätter ju Groothertogin fon Ooldenbuurich benaamd.
Geskichte
[Beoarbaidje | beoarbaidje Wältext]Uum 1855 koomen do eerste Siedler ätter ju näie Kolonie Liesbetfeen. Toueerst wuud n Sloot smieten foar ju Ouwoaterenge an de aaster Siede fon de Seelter Foan. Liesbetfeen heerde eerste tou Seelterlound.
Fon Hannover kreegen do Liesbetfeentjer 1951 ju Geneemigung sik an Bäärsel antousluten. Deertruch koomen do Strukeljer un Roomelster Andeele an Bäärsel. Dät waas dät eerste Moal in Seelterlounds Geskichte, dät him n gratteren Lappe Lound ounuumen wude.
Skoule
[Beoarbaidje | beoarbaidje Wältext]Ätter dän Bau fon dän Liesbetfeen-Kanoal moasten do Sköilere eerste ätter ju Skoule in Bäärselderfoan. 1869 waas dan in ne Hierkoamer in Liesbetfeen-Noud die eerste Unnergjucht mäd 40 Sköilere. 1873 wuud ne Skoule baud, 1875 wieren deer 55 Sköilere. Ap n 31.7.1968 wuud ju Skoule sleeten un ferkooped.
Däälich is in Liesbetfeen-Wääst ne Gruundskoule un in Liesbetfeen-Suud is ju Gruundskoule "Sonnentau".
Bauwierke
[Beoarbaidje | beoarbaidje Wältext]- Ju fröiere Koksfabriek
- Christus-Säärke
Bedrieuwe
[Beoarbaidje | beoarbaidje Wältext]Sjuch uk
[Beoarbaidje | beoarbaidje Wältext]Foan- un Feenmuseum Liesbetfeen
Wällen
[Beoarbaidje | beoarbaidje Wältext]- Franz Dwertmann: Das grosse Sterben der kleinen Schulen, Vechtaer Druckerei und Verlag, 1984, ISBN 3-88441-025-3
|
| |
|---|---|
|
Noabermeenten | |
