Käädenwoape

Käädenwoapen-Test ap dät Bikini-Atoll

Käädenwoapen, uk Atomwoapen of Nukleoarwoapen (dt. Kern- / Atom- / Nuklearwaffen) naamd, sunt Woapen, do truch kääden-physikoalske Reaktsjoonen so as Käädenkleeuwenge of Käädenfusion hiere Wierkenge hääbe. Wan ne Käädenwoape loosgungt, wäd masse Engergie in Foarm fon Hatte, Drukwällen un ionisierjende Stroalenge fräi, wät binne kuute Tied masse Doode un Fernäilenge reeke kon. Somäd tälle Käädenwoapen ieuwenske biologiske un chemiske Woapen tou do Massen-Fernäilengs-Woapen. Mäd do Käädenwoapen, do dät däälich (Stound: 2016) rakt, kuude ju Moanskhaid moorere Moale fernäild wäide (Overkill). Käädenwoapen rakt dät in Foarm fon Bomben, Raketen un uur.

Do foulgjende Lounde sunt amtelke Atommoachte:

• Do Fereende Stoaten fon Amerikoa
• Dät Fereende Köönichriek
• Frankriek
• Ju Foulksrepublik China

Do foulgjende Lounde sunt faktiske Atommoachte:

• Israel
• Indien
• Pakistan
• Noudkorea

Do foulgjende Lounde fersäike fermoudelk uk, Atomwoapen häärtoustaalen:

• Iran
• Saudi-Arabien